Sipas të dhënave nga Policia Kufitare në të gjitha pikat ka radhë të gjata automjetesh që presin të hyjnë në Shqipëri.
Por, ky numër i madh i turistëve edhe pse i shoqëruar me orë pritje, nuk përcillet me incidente të tjera pasi autoritetet e Kosovës dhe të Shqipërisë po punojnë me kapacitete të plota.
Sipas të dhënave të pikës së kalimit kufitar të Morinës, gjatë javës të lënë pas, 30 mijë shtetas kanë kaluar në doganën e Morinës për të kaluar fundjavën në Shqipëri.
Ndërkohë, sipas statistikave të policisë në Shqipëri gjatë muajit korrik kanë hyrë 450 mijë shtetas nga Maqedonia dhe Kosova. Po sipas policisë shqiptare mesatarisht rreth 19 mijë vizitorë në ditë kalojnë pikën kufitare.
