Deputeti demokrat Sherefedin Shehu thotë kompania ceke ka problem edhe me vende të tjera të rajonit
Partia demokratike akuzon kryeministrin Rama për mungesë transparence në marrëveshjen me kompaninë ceke Cez. Deputeti demokrat, Shereferdin Shehu, tha sot se kryeministri Rama, hoqi dorë nga arbitrazhi me CEZ, ku sipas të gjithë rrethanave dhe fakteve, ky konflikt ishte potencialisht i fitueshëm nga shteti ynë, cka do të thotë se ne mund të merrnim 3 miliardë dollarë nga CEZ. Sipas PD-së, kryeministri, jo vetëm ia fali kompanisë këto borgje, por i dha në dorë edhe 95 milionë euro. “ Qeveria shqiptare hoqi dorë nga arbritazhi ndërkombetar, edhe pse raportet e konsulenteve tanë faktonin se CEZ ishte në thyerje të plote të kontrates se privatizimit dhe se Shqipëria mund të kerkonte pranë gjykates së arbitrazhit nderkombetar deri në 3 miliardë dëme të shkaktuara nga kompania CEZ. Për të vlerësuar profesionalisht pretendimet e palëve, qeveria shqiptare mori si konsulente, të mirënjohurën BDO, kompania e pestë në botë, e specializuar për situata të konfliktit tregtar në sektorin energjetik. Kjo kompani, është prezente ne 144 vende, ka 1200 zyra dhe punëson 56 mijë punonjes. Raporti i përgatitur nga BDO, dhe i pranuar zyrtarisht nga qeveria shqiptare në shkurt 2014, tregon faktin se pretendimet e CEZ mbi qeverinë shqiptare sipas kalkulimeve të saj nuk janë me shume se 360 milionë euro. Raporti shprehet gjithashtu se këto pretendime janë të pajustifikuara, shpeshherë mbivendosen dhe nuk shoqërohen me dokumentacionin përkatës”, tha Shehu.
Problemet e CEZ në rajon
Deputeti demokrat thotë se shqipëria është i vetmi vend në rajon që fali borxhin CEZ, pasi sipas PD-së CEZ ka probleme me disa shtete të rajonit. Deputeti Shehu tha se nje rast analog ka ndodhur në Rumani, kur kompania Rumune Electrica SA, ka paditur në arbritazhin ndërkombetar në Paris kompaninë CEZ-as, për 130 milionë usd. Padia, ashtu si edhe ne rastin shqiptar, është bërë për shkelje të kontratës së privatizimit. “Prestigjozja “BloomBerg” raporton se Bullgaria gjithashtu është duke ndërmarrë hapa për heqjen e licences së shitjes dhe shperndarjes se energjise elektrike nga CEZ as, e cila zoteron aty segmente të rendesishme te tregut.
Pra, Shqiperia nuk është rast i vecuar (http://www.bloomberg.com/news/2014-03-19/bulgaria-moves-to-revoke-power-selling-licenses-of-cez-evn.html) . As edhe nuk jemi vendi i parë që perfshihet në një konflikt tregtar. Por ne dallim nga vendet e tjera, jemi sigurisht vendi i vetem qe i kemi falur bujarisht CEZ as, te gjitha ato që na takonin! Jo vetëm kaq, por qeveria jonë, i dhuroi edhe në dorë 95 milionë euro, para që do të paguhen nga cdo shqiptar, në shumën 1.1 milionë lekë”, tha Shehu.
