Partia Demokratike e ka cilësuar shkelje të kushtetutës dhe kapje të drejtësisë për interesa të grupeve kriminale dhe korrupsionit shkarkim sot në parlament të dy anëtarëve të KLD. Në një deklaratë për mediat nga selia blu, deputeti demokrat Eduard Halimi akuzoi dyshen Rama-Meta se me vendimin e sotëm kanë hedhur një hap alarmues drejt kapjes së drejtësisë
“Edi Rama dhe Ilir Meta po bëjnë shkarkimet e paligjshme në drejtësi dhe emërimet e militanteve të tyre, me deputetë me të kaluar kriminale, që vetëm pak ditë më parë morën në mbrojtje një kriminel të kërkuar nga policia, duke e strehuar në makinën e tyre.
Nuk ka asnjë dyshim sot për çdo qytetar shqiptar por dhe për cdo partner ndërkombëtar se qëllimi i vetëm i Ramës dhe Metes ishte të shkarkonin anëtarët e KLD, pa shkak, pa motiv, në kundershtim të hapur me Kushetutën. Të kapnin drejtësinë për ta vënë nën kontrollin e tyre në shërbim te krimit te organizuar që kanë në parlament dhe korrupsionit masiv qeveritar që po kaplon vendin.
Shkelja e vetme e nenkryterait te KLD është se nuk përçonte frymën e atyre firmëtarëve që kerkonin shkarkimin e tij para 1 muaji dhe votuan sot. Nuk përçonte frymën e atyre deputeteve që janë të denuar për krime mostrueze, për trafik droge, pengmarrje dhe trafik prostitucioni.
Nuk përçonte frymën e atyre deputetëve të cilet vetë apo nëpërmjet të afërmve të tyre janë pjesë e krimit të organizuar në Shqipëri, pjesë e mafias së drogës, e mafias së trafikut, e korrupsionit galopant. E atyre oragnizatave që kërkohen ndërkombëtarisht në shumë vende, dhe që qeveria në vend se ti arrestojë i ruan, i mbron, duke e kthyer parlamentin në strehë të krimit.
Krimi i organizuar në parlament sot kërkon të marrë nën kontroll drejtësinë, të coje aty njerezit e tij që të perçojne frymen e krimit. Krimi i organizuar qe votoi sot për shkarkimin e Cefes dhe Lelcajt kërkon perfaqesueit e tij në KLD. Kush ka patur dyshime për këtë të lexojë dosjet kilometrike të interceptimeve të huaja me krimin e organizuar dhe korrupsionin që mbrohet sot nga qeveria dhe që kërkon te ngrejë dhe koracën e mosndëshkimit”, tha Halimi.
Halimi në emër të PD i ka bërë thirrje ndërkombëtarëve të reagojnë për atë që po ndodh në parlament, ku sipas tij njerëzit e krimit po marrin në dorë KLD.
“Partia Demokratike i bën thirrje sot gjithë faktorit ndërkombetar të hapë sytë para asaj që po ndodh në Parlement ku njerëzit e krimit vendosin të shkarkojnë anëtarët e KLD, njerëzit që qeverite e tyre kërkojnë t’i ekstradojnë, dënojne sot anëtarët e KLD dhe kërkojnë të marrin kontrollin, kërkojnë të marrin KLD, Shkollen e Magjistraturës dhe gjithë sistemin e drejtësisë.
Kambanat e alarmit duhet të zgjojnë gjithkënd sa më shpejt.
Kush mendon se me forcën e kartonit dhe krimit në parlament do të shkaterrojë institucionet e pavarura dhe do e ktheje vendin në një çiflig për krimin dhe korrupsionin, i ka bërë llogaritë gabim.”, përfundon deklarata e Halimit.
