Partia Demokratike deklaron se përjashtimi i Partisë Demokratike nga delegacioni i përhershëm në Unionin Parlamentar Botëror, vërtetoi skenarin autoritarist të dyshes Rama-Meta. Eduard Halimi, tha se qëllimi i mazhorancës, është eliminimi i zërit të opozitës.
“Edi Rama dhe Ilir Meta dëshmuan sërish se arroganca me Kushtetutën dhe drejtimin e parlamentit janë projekti i tyre për eleminimin e hapësirave parlamentare për opoziten dhe shndrrimin e parlamentit në një oborr personal.
Përjashtimi i Partisë Demokratike nga delegacioni i përhershëm në Unionin Parlamentar Botëror, vërtetoi skenarin autoritarist të dyshes Rama-Meta për ta kthyer Parlamentin edhe zyrtarisht në një sistem oligarkik, ku zëri i opozitës nuk duhet të dëgjohet, ku opozita nuk duhet te përfaqësohet.
Ky skenar nisi me zhdukjen e konsensusit politik, me blerjen e dy deputetëve për të arritur shumicën arbitrare, u zhvillua më tej me arrogancënndaj cdo propozimi të Partisë Demokratike, u konsolidua me moszbatimin e vendimeve të Gjykatës Kushtetuese që i jepin të drejtë pakicës të hetonte qeverinë, dhe kulmoi me instalimin e skuadrave të dhunës për ti mbyllur gojën opozitës”, u shpreh Halimi.
Sipas demokratëve, një vendim i tillë bëhet në kundërshtim të hapur dhe injorim të Kushtetutes së vendit, e cila në nenin 75 pika 2, e detyron dyshen Rama Meta, të zbatojnë Rregulloren e Kuvendit, gërmë më gërmë e pikë për pikë.
“E bëjnë si gjithmonë me arrogancë duke shkelur në mënyrë flagrante atë që Kushtetuta u kërkon të respektojnë, Rregulloren e Kuvendit e cila në nenin 7, pika 3, e detyron kryetarin e Kuvendit që në përbërje të delegacioneve të pasqyrojnë përbërjen politike të Kuvendit. Përbërje e cila vjen nga vullneti i të përfaqësuarve, vullneti i sovranit.
Përbërje e delegacionit sipas Kushtetutes do të thotë hapësirë kushtetuese për opozitën e vendit. Këtë thotë qartë dhe troc Kushtetuta e Republikes, këtë e thotë qartë dhe troc Regullorja e Kuvendit, e zeza mbi të bardhë”, vlerëspo deputeti democrat.
Sipas Halimit, ajo që denoncon opozita, është përjashtimi anti-kushtetues, jo si lëshim i Ilir Metës e Edi Ramës, por si një e drejtë Kushtetuese që i takon opozitës së vendit, si e drejtë e cdo opozite në cdo vend demokratik dhe europian.
“Por me këtë akt, antikushtetues, antieuropian dhe të paprecendent në këto 23 vite demokraci, Ilir Meta dhe Edi Rama po thellojnë arbitraritetin e pushtetit të tyre oligarkik, por harrojnë se sa të pabesueshëm dhe po aq qesharake janë bërë në sytë e cdo shqiptari, në sytë e cdo partneri.
Shihni se si është kthyer e enjtja e parlamentit, një prodhim i Kinostudios Shqipëria e Re.
Ndaj në emer të Partisë Demokratike i bëjme thirrje dyshes Rama-Meta të heqin dorë nga shkelja me arrogancë e Kushtetutës së vendit, të dëgjojnë Brukselin që foli qartë, dhe ti japin opozitës atë që i takon: hapësirën kushtetuese parlamentare”, nënvizoi Halimi.
