Të nderuar lexues, kjo është një pasqyrë e faqeve të para të disa prej gazetave kryesore, për ditën e premte, 10 tetor 2014.
Gazeta “Panorama” ka si titull kryesor; “Raporti sekret, dosja e SHISH, emrat e deputetëve që u përgjuan”. Tituj të tjerë janë; “Sondazhi i PS për Bashkinë e Tiranës, batutat e Kodhelit dhe Majkos në Parlament”. “Meta: Jam më shumë se mirë me shëndet, gjyshi im jetoi 110 vjet”. “Llalla e shkarkon, Hajdari kërkon mbrojtje”.
Gazeta “Shekulli” hapet me shkrimin kryesor; “Emrat, ja kë përgjoi Berisha. SHISH regjistroi bisedat e kërkuara nga ish-Kryeministri, Llalla i miratoi”. Tituj të tjerë janë; “Ilir Meta: Doktori është i apasionuar pas përgjimeve”. “Këshilli kombëtar u manipulua, Mziu: Votova 4 herë”. “Prokurori, shkarkohet Shkëlqim Hajdari, çon raport sekret te Nishani dhe Rama”.
Gazeta “Mapo” ka si argument kryesor, “Zbulohet raporti sekret i SHISH. Rama, Meta, Basha dhe 28 deputetë nën përgjim”. Tituj të tjerë janë; “71 votat PS+PDIU, Meta: Me apo pa Spartak Brahon?”. “Vjedhja e Bankës ndahet në 3 dosje, Fullani dhe Golemi do të hetohen veç”. “Shkarkohet Shkëlqim Hajdari: Llalla u përfshi direkt në incidentin tim”.
“Gazeta Shqiptare” çelet me shkrimin kryesor, “Lista, bisedat e politikanëve zbardhen nga Shërbimi Informativ. Meta: U përgjova? Kënaqësi për mua”. Tituj të tjerë janë; “Shkarkohet kryeprokurori i Apelit, Shkëlqim Hajdari: Llalla më goditi”. “Këshilli i Bankës së Shqipërisë, Ermelinda Meksi: Të huaj? Si këshilltarë”.
Gazeta “Koha Jonë” ka si argument kryesor, “Myslimanë e të krishterë tek themelet e Xhamisë. Edi Rama: Në nëntor të gjithë krerët e komuniteteve fetare, të jemi bashkë për të vendosur gurin e themelit në Xhaminë e Re në Tiranë”. Tituj të tjerë janë; “Ja emrat e vërtetë të përgjuar pa vendim gjykate nga SHISH”. “Ministria e Mbrojtjes: E vërteta e “bombave” dje në Durrës”. “Ilir Meta: I ngjaj gjyshit, do jetoj 110 vjet”.
Titujt kryesorë të gazetave të Kosovës të ditës së sotme:
Gazeta “Tribuna” PRESIDENTJA PRET IDE NGA LIDERËT PARTIAKË Presidentja Atifete Jahjaga pritet të vazhdojë sërish serinë e takimeve me liderët e partive parlamentare në përpjekje të gjetjes së një zgjidhjeje për ngërçin politik. Tashmë liderët partiakë, pavarësisht avanturave politike e interesave të tyre personale, kanë marrë sinjale të qarta edhe nga Bashkimi Evropian përmes Raportit të Progresit se institucionet e reja duhet të krijohen sa më shpejt. Tituj të tjerë: Gjejeni zgjidhjen! Debat pa rezultat – U mblodhën, debatuan mes vete, por dolën nga Kuvendi pa dhënë ndonjë rezultat. Deputetët e Bllokut Biznes me zemra – Ministri i Shëndetësisë u vu në thjerrëzën Prokurorisë Speciale pasi që ka nënshkruar disa marrëveshje bashkëpunimi me disa spitale private në Kosovë.
Gazeta “Koha Ditore” KOMISIONI I VENECIAS SI ADRESË PËR ZGJIDHJEN E BLLOKADËS Gjykata Kushtetuese më nuk shihet si adresë për të ngritur çështjen përkitazi me zgjedhjen e kryetarit të Kuvendit. Debati në Kuvend ndërmjet deputetëve të bllokut LDK-LVV-AAK-Nisma nuk ka prodhuar moment të ri politik e as juridik. Bllokada në konstituimin e institucioneve vazhdon. Tituj të tjerë: Jahjagës e Ramës u kërkohet të flasin për Luginën nëse e vizitojnë Beogradin Debat paralajmërues Goditet “biznesi” i stendave
Gazeta “Zëri” BEQAJ DEMANTON THAÇIN Rritja e pagave të mësimdhënësve prej 25 për qind, prej janarit të vitit 2015, ashtu si është paralajmëruar muaj më parë nga kryeministri në largim, Hashim Thaçi, nuk është paraparë fare me projektbuxhetin e vitit të ardhshëm. Tituj të tjerë: Seanca, paralajmërim për Thaçin A e shtyu BE-ja Jahjagën ta shkelë Kushtetutën? Ferid Agani dyshohet për haram
Gazeta “Epoka e Re” ZGJIDHNI, MARRËVESHJE APO ZGJEDHJE Nënkryetari i Partisë Demokratike të Kosovës (PDK), Adem Grabovci, ka bërë me dije se për të dalë nga ngërçi politik nuk kanë mbetur edhe shumë alternativa. Tituj të tjerë: Blloku: PDK-ja po frikësohet të vijë në Kuvend Agani: Do të konfirmohet se jemi të pastër Gazeta “Kosova Sot” MINISTRI AGANI, I DYSHUAR PËR SKANDALIN E STENDAVE Tituj të tjerë: Raporti i Progresit identifikon shumë dështime – Ekonomia pësoi regres – Papunësia mbetet më e larta në Evropë Mbi kurrizin e taksapaguesve
Gazeta “Lajm” REPUBLIKA E ALBIN KURTIT Tituj të tjerë: Bllokut i mungoj guximi. Seancën e djeshme, të thirrur nga blloku opozitar, analistët e shohin si mungesë të guximit nga ana e bllokut për të zgjedhur Isa Mustafën kryetar të Kuvendit.
Gazeta “Bota Sot” KOALICIONI LANV: KUVENDIN DHE QEVERINË E FORMON SHUMICA PARLAMENTARE!
