Në këtë fazë partitë e veçanërisht ato që deri më tani kanë qenë në pushtet kanë filluar të bëjnë hulumtime dhe analiza të të gjitha figurave lokale partiake. F
illimisht secila degë ka dërguar emra nëpër shtabet qendrore partiake ku më pas organet më të larta drejtuese kanë filluar të analizojnë mundësitë e secilit kandidat për të fituar.
Por këto përgatitje po bëhen në një atmosferë kur nuk ka asnjë sinjal për mbajtjen e zgjedhjeve lokale edhe pse tanimë janë shkelur të gjitha afatet ligjore.
Ligjërisht zgjedhjet mbahen 70 ose 90 ditë pas ditës së shpalljes. Sipas këtij kalendari zgjedhjet më së shpejti mund të mbahen më 25 qershor por me kusht nëse ato shpallen javën e ardhshme. Ndërkohë ministrja e pushtetit lokal ka konfirmuar se edhe përkundër gjetjes së një zgjidhje që ju dha mandate këshillave dhe kryetarëve deri më 15 maj, përsëri rrezikohet funksionimi i pushtetit lokal. Rreziku më i madh mbetet pas 15 majit.
Në një intervistë për portalin faktor, ministrja e pushtetit lokal Shyrete Elezi, thotë nëse nuk gjendet zgjidhje e shpejtë qytetarët rrezikojnë të ngelin pa shërbimet e nevojshme komunale.
“Nëse së shpejti nuk tejkalohet kriza aktuale politike e cila lidhet ngushtë me zgjedhjen e kryetarit të Kuvendit, sigurisht se vihet në pikëpyetje funksionimi i mëtejmë i organeve komunale (kryetarit dhe këshillit) si dhe legjitimiteti i vendimeve të tyre. Mosfunksionimi i institucioneve i shkaktuar nga kriza politike, në fazën e ardhshme mund të shkaktojë krizë sistemore ose njëra nga shtyllat e pushtetit, pushteti lokal të mos mund ti kryejë obligimet e veta të caktuara me ligj, ndërsa qytetarët të mos mund të realizojnë të drejtën e pushtetit lokal të garantuar me kushtetutë”, tha ministrja e Pushtetit Lokal, Shyrete Elezi.
Shpallja e zgjedhjeve lokale varet nga tejkalimi i krizës aktuale politike dhe institucionale. Zgjedhjet i shpall kryetari i Kuvendit i cili është nuk është zgjedhur për shkak të zvarritjes së procedurave parlamentare ky dy javë, deputetët kanë shpenzuar me polemika dhe ende nuk është formuar as komisioni për zgjidhje dhe emrin.
