Ukraina vijon të bombardohet nga trupat ruse, edhe pse palët nënshkruan një marrëveshje armëpushimi për të siguruar zhvendosje ne civilëve.
“The Sun” ka publikuar disa pamje të trishta, ku duket se një foshnjë, vetëm 18-muajsh, ka humbur jetën gjatë luftimeve të fundit. Në foto, duken prindërit të dëshpëruar që qëndrojnë mbi trupin e pajetë të djalit të tyre.
Marina Yatsko dhe babai Fedor, vajtojnë mbi trupin e pajetë të foshnjës, në një repart spitalor në qytetin e rrethuar të Mariupol.
Trupat ruse shkelën armëpushimin në qytet, vetëm disa orë pasi u ra dakord për të lejuar civilët të largoheshin. Sipas OKB-së, 351 civilë janë konfirmuar se kanë vdekur në Ukrainë që kur trupat ruse pushtuan më 24 shkurt dhe 707 të tjerë u plagosën. Ata thanë se shumica e vdekjeve u shkaktuan nga bombardimet e forta dhe artilerie të zonave me popullsi të dendur civile, duke shprehur frikën se numri i viktimave mund të jetë “dukshëm më i lartë”.
