“Rolin e prijësit të proceseve kombëtare që disa “analistë” nga Tirana sot po mundohen artificialisht t’ia atribuojnë Shqipërisë, Kosova e ka kryer pa zhurmë e me vepra për më tepër se një shekull”, ka shkruar Pallaska në llogarinë e tij në Facebook.
Pallaska ka theksuar se “Kosova ishte faktor kyç – për të mos thënë përcaktues – në proceset kryesore historike të kombit shqiptar që nga Lidhja e Prizrenit dhe shpallja e pavarësisë së Shqipërisë e deri te përkrahja për liri e barazi e shqiptarëve në Maqedoni dhe Luginë të Preshevës”.
“Kjo është arsyeja pse shqiptarët e Kosovës nuk kanë nevojë të legjitimohen për patriotizëm nga disa “analistë” të Tiranës që kauzën kombëtare e përjetojnë si sport sezonal”, ka shkruar Pallaska në rrjetin social.
Dashuria për Kosovën ishte dhe mbetet forca kryesore shtytëse e zhvillimit kombëtar të shqiptarëve, ka thënë Pallaska.
