Mustafa, sipas Lekajt, lërë qe nuk ka fuqi të ndërmarr veprime elementare qe i takojnë si kryeministër, por i mungon edhe guximi qe t’i shkarkoj vartësit e vet të cilët siç thotë Lekaj paguhen nga taksat e qytetarëve e qe gjithë ditën punojnë kundër interesave të Kosovës.
Postimi i plotë i Lekajt:
Kryeministër nëse jo për diçka tjetër, a ke guxim të dorëhiqesh.
Që kur erdhi në pushtet kjo qeveri e sotme, ani pse me tipare të së kaluarës së errët kishte shumë premtime. Madje, nëse kthehemi më mbrapa në kohe e i kujtojmë fushatat zgjedhore të këtyre partive politike që sot janë në pushtet , aty shohim një mal premtimesh dhe projekte vizive pafund, të cilat i bënin zgjedhësit të ëndërronin për një Kosovë ndryshe. Por, ku gjendemi sot pas thuajse një mandati qeverisës nga qeveria e udhëhequr nga Isa Mustafa ?! Nuk na duhet shumë kohë, madje as edhe disa qaste të dalim me konkluzionin që kaluam vite nën politikat vend numëruese të një qeverisje nga dy parti që erdhën në pushtet me premtime galopante, për një politikë zhvillimore dhe reformuese.
Të gjithë si qytetar i mbajmë mend premtimet e Mustafës, kur deklaronte që do te udhëhiqte vendin me një qeveri ndryshe dhe me numër ministrish të reduktuara që do ta bënin atë më funksionale e në shërbim të qytetarëve të vendit. Por, nga momenti që e mori pushtetin në duart e deri në ditët e sotme riformatimi mbeti premtim në letër, ndërsa realiteti i hipokrizisë së politikës vazhdoj, apo thënë më troç vazhdoj luksi i qeverisë, e cila do të ishte barrë e rëndë ekonomike edhe për shtete të fuqishme botërore e lere më për Kosovën.
Të njëjta boshe e të rreme ishin edhe premtimet e kryeministrit për forcimin e shtetit dhe ballafaqimit në mënyre të denjë përballë politikave dinake dhe agresive të pushtetit serb. Këtyre premtimeve ju erdhi fundi sapo qeveria e Kosovës u gjend përballë rastit të kidnapimit të drejtorit të policisë së Mitrovicës z. Nehat Thaçi , tani të liruar nga presioni ndërkombëtarë , dhe më vonë të z. Hilmi Kelmendi nga Gjakova, të dy këta të arrestuar nga pushteti serb.
Këta ashtu si edhe qytetarë të tjerë të këtij vendi po lihen në baltë nga qeveria e vendit të tyre e cila si asnjë qeveri në vendet e botës as edhe njëherë nuk është në gjendje të veproj në mënyrë të denjë duke vendosur kështu masa të reciprocitetit ndaj shtetit serb, gjë që do e bënte çdo shtet i botës , kur do gjendej përballë realitetit të cenimit të të drejtave elementare e njerëzore të qytetarëve te vet nga një pushtet që deri dje ishte pushtues dhe as edhe njëherë për një dekade e gjysmë pas lufte nuk e mori as guximin e nuk e ndjeu as detyrë morale që të kërkonte falje për ato krime antinjerëzore që i shkaktoj mbi popullatën tonë civile.
Ky ,,kryeministër’’ lëre që nuk po ka fuqi për të ndërmarr disa veprime elementare, por për me keq po i mungon edhe guximi që t’i shkarkoj vartësit e vet të cilët paguhen nga taksat tona e që sot e gjithë ditës po punojnë kundër interesave të Kosovës ,duke lobuar kundër ligjit për Trepçën.
I vetmi guxim që qytetarët e Kosovës e presin nga Mustafa, është dorëheqja e tij.
