Në lidhje me vendimin e Apelit, Pal Lekaj, i ka thënë lajmi.net se vendimi për hedhje poshtë të aktakuzës vetëm e ka vërtetuar vendimin e Gjykatës Themelore të Gjakovës.
Lekaj pretendon, se në pozitat që ka pasur ka marre vendime në suaza ligjore dhe në interes të qytetareve.
“Po e kam marr vendimin e Gjykatës së Apelit , që e vërteton vendimin e Gjykatës Themelore të Gjakovës, që i ka hedhur poshtë pretendimet e Prokurorisë Speciale. E kam thënë që në fillim qe nuk kanë pas argumente bazë për të ngritur aktakuzë, e përserisë se në pozitat që kam pasë kam marre vendime në suaza ligjore dhe në interes të qytetareve! Kjo u vërtetua edhe me mbështetjen e fuqishme për deputet, që i falënderojë të gjithë!”, ka thënë Lekaj për lajmi.net.
Kujtojmë, se në muajin shkurt të këtij viti Prokuroria Speciale ka ngritur aktakuzë ndaj deputetit të AAK-së, Pal Lekaj, për “keqpërdorim të detyrës zyrtare”, gjatë kohës sa drejtonte Komunën e Gjakovës. Bashkë me ish-kryetarin Lekaj, akuzohet edhe ish-drejtori për Buxhet dhe Financa, Q.M., dhe ish-menaxheri i prokurimit N.Ll.
Në ankesa e Prokurorisë Speciale e bërë më 26 maj 2017, thuhej se në aktvendimin e Gjykatës Themelore në Gjakovë kishte shkelje të dispozitave esenciale të procedurës penale, vërtetim të gabuar të gjendjes faktike dhe shkelje të ligjit penal.
Por lidhur me këtë ankesë, Prokuroria e Apelit në Prishtinë më 13 qershor 2017, ka propozuar që e njëjta të aprovohet si e bazuar, dhe çështja t’i kthehet gjykatës së shkallës së parë në rivendosje dhe procedim në shqyrtim gjyqësor.
E pas shqyrtimit të shkresave të lëndës dhe vlerësimit të pretendimeve ankimore në ankesë, Gjykata e Apelit e refuzon ankesën ë lartpërmendur si të pabazuar.
Ndërkohë aktakuzën e Prokurorisë Speciale e kishte hedhur poshtë edhe Gjykata Themelore në Gjakovë.
