Në një intervistë për Epokën e Re, ai është shprehur i bindur se buxheti nuk do të rrezikojë apo do të vë në pikëpyetje të ardhmen e koalicionit. Ahmeti ka thënë se pakënaqësitë politike rreth prishjes së koalicionit nuk janë reflektim i qëndrimeve të partnerëve.
Duke komentuar kërkesën e opozitës për zgjedhje të parakohshme, Ahmeti ka deklaruar se zgjedhjet nuk janë zgjidhje, por sipas tij, partitë duhet të reflektojnë për interesin shtetëror.
Ai ka paralajmëruar se procesi i riformatimit të Qeverisë do të ndodhë gjatë këtyre ditëve, megjithatë është skeptik se me ndërrimin e disa ministrave do të mund të ketë rezultate në mirëqenien e qytetarëve.
