Duke e shpalosur vizionin e tij për zhvillimin ekonomik të vendit, Behgjet Pacolli, ka folur për gjendjen e rëndë ekonomike në Kosovë si dhe për mënyrat se si mund të dilet nga kjo situatë si dhe për planet e AKR-së për ndërtimin e shtetit ligjor dhe krijimin e bazës së nevojshme për investimet e huaja, thuhet në njoftim.
Pacolli ka drejtuar një serë kritikash ndaj qeverisë, lidhur me mënyrën e privatizimit të ndërmarrjeve publike.
Debati ka vazhduar me pyetje të shumta të qytetarëve të Kamenicës për Pacolli, i cili e mori fjalën dhe u dha përgjigje kërkesave, pyetjeve dhe çështjeve të tjera që i shtruan pjesëmarrësit në këtë takim.
Të kujtojmë se Pacolli në fushatën zgjedhore të zgjedhjeve lokale, në këtë qytet kishte premtuar ndërtimin e fabrikës së kërpudhave, por një gjë e tillë nuk ka ndodhur deri me tash.
Partia e Pacollit në Kamenicë është në bashkëqeverisje me PDK-në.
