Akademik Pajazit Nushi, u lind në Gjakovë më 8 janar 1933. Në vendlindje kreu shkollën fillore, si dhe shkollën normale. Më 1955 i mbaroi studimet në Fakultetin Filozofik të Universitetit të Beogradit, dega e psikologjisë.
Më 8 qershor 1983 mbrojti diseratcionin e doktoratës “Zhvillimi i terminologjisë psikologjike dhe baza semantike e përcaktimit të saj” në gjuhën shqipe në Fakultetin Filozofik të Universitetit të Prishtinës.
Studimet e larta i kurorëzoi me mbrojtjen e tezës së doktoratës në Universitetin e Prishtinës. Në vitin 2000 u zgjodh anëtar me korrespondencë i ASHAK, kurse që nga viti 2008 është anëtar i rregullt i kësaj Akademie.
Akademik Pajazit Nushi ka ndërruar jetë më 2 shtator 2015, në moshën 82 vjeçare.
