Aksioni “Një ditë pa imigrantë” do të mbahet në qytetet Uashington, Filadelfia, Boston, Hjuston, Çikago dhe Nju Jork.
Protesta është promovuar nëpër mediat sociale.
Ajo vjen si përgjigje ndaj presidentit Donald Trump, administrata e të cilit është zotuar se do të rrisë dëbimin e imigrantëve që jetojnë ilegalisht në vend.
Trump a bërë fushatë për ndërtimin e një muri në kufirin SHBA-Meksikë dhe ka fajësuar imigrantët për papunësinë e lartë.
Si president, ai ka kërkuar ndalimin e hyrjes në SHBA për njerëzit e shtatë vendeve me shumicë myslimane.
