“Në shenjë respekti e përuljeje të thellë si dhe homazhi të merituar, martirët do të nderohen me dekoratën më të lartë të Shtetit Shqiptar”, thuhet në njoftimin e presidencës, shkruan gazeta Shekulli.
Ceremonia solemne e dekorimeve do të zhvillohet të mërkurën në Pallatin e Brigadave me pjesëmarrjen e familjarëve të martirëve, autoriteteve më të larta shtetërore, drejtuesve të Kishës Katolike në Shqipëri dhe përfaqësues nga Selia e Shenjtë, nga bashkësitë fetare shqiptare dhe akademikë, historianë dhe intelektualë.
