“Kemi kuptim dhe marrëveshje prej LSDM-së për të këtë çështje”, ka thënë Osmani.
” Jo për gjenocid ndaj qytetarëve shqiptarë, por ndaj gjithë qytetarëve në këto troje”, ka shtuar ai. Burime partiake thonë se të njëjtat ndryshime të pikave të Platformës Shqiptare, BDI i ka pranuar edhe në negociatat me VMRO-DPMNE-në.
Mirëpo në Platformën shqiptare theksohet qartë se nevojitet “Miratimi i një Rezolute në Parlamentin e Maqedonisë me të cilën dënohet gjenocidi ndaj popullit shqiptar në Maqedoni në periudhën 1912 – 1956”.
Sado që Osmani ka tentuar ta relativizojë këtë pikë, historianët thonë se me këtë ndryshim që ka pranuar BDI-ja, humb kuptimi i asaj që është paraparë në Platformën Shqiptare. Sipas tyre, qëllimi i Platformës ka qenë që të dënohet edhe motivi etnik i gjenocidit e jo vetëm ai ideologjik.
Veç kësaj, Osmani ka paralajmëruar edhe mundësinë që të partia e tij të heqë dorë nga pika e platformës që parasheh shndërrim të Sekretariatit për Implementimin e Marrëveshjes së Ohrit në ministri të veçantë, shkruan gazeta Lajm e Maqedonisë.
“Kjo mbetet çështje për marrëveshje mes partnerëve të koalicionit”, ka thënë Osmani, duke u përgjigjur në pyetjen nëse SIMO do të bëhet ministri edhe pse te Platforma Shqiptare taksativisht përmendet: “Krijimi i një Ministrie për Sistem Politik dhe Marredhenie midis Komuniteve, si organ përgjegjës për respektimin e të drejtave të komuniteteve dhe nxitjen e zhvillimit ekonomik dhe shoqëror në zonat e defavorizuara”.
Partitë tjera nënshkruese thonë se nuk janë konsultuar fare lidhur me këtë ndryshim që ka pranuar BDI-ja. BDI edhe më herët ka hequr dorë nga zotimet dhe premtimet në favor të pjesëmarrjes së vet në qeveri.
