Shkruan: Hasan Jashari
Ndeshja në mes Serbisë dhe Shqipërisë, aq e pritur nga tifozët dhe të dy kombet, përfundoi keq. Të dy palët akuzojnë njëra tjetrën për fajin por të gjithë e kemi parë se si rrodhën ngjarjet para ndeshjes dhe në fillim me rastin e intonimit të himnit kombëtar të Shqiptarëve dhe thirrjeve “Ubij shiptara… ubij ,zakolji…” Por un, miq të dashur, nuk dua shumë të ndalem këtu. Mua më brengos reagimi i zëdhënëses të Baroneshës Ashton, Maja Kocijanciq, e cila fajin në tërë komunikatën e hudh te pala shqiptare duke dënuar provokimin politik dhe duke lëvdëruar autoritete serbe për menaxhimn e ngjarjes si profesionale?!!!. Sep Blater, nga ana e tij, ne paraqitjen në Twiter dhe Karl Bilt anojnë nga serbet. Nga ana tjetër shqiptarët festojnë dhe mediat japin tituj bombastikë se në Beograd është mbrojtur Shqipëria e Madhe? Individë e grupe të ndryshme ; Shvercerat e Plisat, Ballistët por edhe tipa të panjohur provincial …po e marrin përsipër këte akt të teledirigjimit të flamurit të Shqipërisë të madhe e cila tani konfliktin serbo-shqiptar e mbart edhe ne Maqedoni , Greqi dhe Mal të zi.
E kjo po bëhet vetëm disa ditë kur mysafyr i dashur në Beograd është Vladimir Putin e pastaj edhe Rama dhe Atifete Jahjaga. Pra, mendimi im dhe bindja e ime është se këtu kemi të bëjmë me një rast të montuar në të cilën nuk duhet ta shohim me naivitet. Shërbimet sekrete Serbe dhe Ruse janë të përziera në këte akt që burimin e kishte nga Kisha Sveti Gavril, aty afer në Humska 1. Vetë kryeminitri serb thekson se 3 orë para ndeshjes ka paralajmëruar BE dhe SHBA se shqiptarët do të provokojnë…Dick Advokat trajneri holandez I kombëtares serbe disa ditë para takimit u ankua gazetarëve se ka presione nga politikanë, publiku dhe zyrtarë që ndeshja të fitohet me cdo kusht. Ai theksoi se nuk e kupton se cka po ndodh dhe pse bëhen presione o fitore o vdekje.
Fluturakja është një vepër e vetë serbeve. Këte e deklaron edhe prifti nga kisha e afërt qe dje I dha gazetës Blic që thotë se kjo punë disi është përgaditë me javë. Por ajo që le mëdyshje dhe idiotizëm është fakti se pa një pa dy menjëherë u gjet fajtori te Olsi Rama, vëllai i kryemnistrit se ai u burgos dhe u lëshua. Pra kemi të bëjmë më një skenar ku në teren që ndan grushta është edhe legjenda e Gjenovës kur u ndërpre ndeshja Itali -Serbi Ivan Bogdanov. Por, pala serbe e hudh gurin dhe e mëshef dorën si në rastin e Srebrenicës apo te Racakut apo të sjelljes të burgosurve nga Serbia qe te vrasin të burgosurut shqiptarë në Burgun Dubrava dhe të akuzojnë NATON apo vrasja e 6 fëmijëve serbe në kafiterinë Panda në Pejë. Kësi rastesh ka me qinda , me mija.
Por, kjo e sodit me është një përrallë dhe film i sofistikuar por me skenar të parealizuar si duhet sepse ideja ishte që të bëhej provokimi dhe serbët të akuzonin shqiptarët për politizim të sportit dhe prishës loje. Por, harbutët e Bogdanovit: Ultras, Dveri, Obraz, Grobari, Delije,Car Lazar 1389 dhe të tjerët si ata; nga urejtja dolën nga skenari dhe e prishën skemën e shërbimeve dhe politikanëve serb bile edhe u gjetën edhe para kamerave duke ofenduar kryeminsitrine shtetit.
Si më tutje? UEFA nuk do ta kaloj lehtë këte ngjarje por fakti se përmenden palët aty do të ndëshkohet edhe Shqipëria sidomos refuzimi i sajë që të vazhdon lojën ose të luan të nesërmen pa publik. Andaj, këtu nuk ka shumë vend për eufori dhe pranim të autorësë. 4000 policët sigurisht se mbas kësaj situate dhe histerie do të gjenin ndonjë njeri që ta nxjerrin para kamerave dhe të tregojnë se ja ky eshte dhe është shqiptar nga Kosova dhe i kemi gjet telekomnaduesin e fluturakes. Por ai as u kërkua aniqë CNN jep fotografinë që huligani serb me maskë e merr konstruktin e objektit nga tereni gjate zënkës të futbollistëve dhe ik. Kjo ndodh para krejt auditorit dhe kamerave por fajtori menjehere u gjet tek vëllai i Kryeminstrit.
Prandaj kujdes , pa festa dhe tituj bombastik nëpër media. Ide a e serbeve si duket është se dicka e madhe duhet te lansohet si shpifje e rradhës dhe gënjeshter njësoj si raporti i Dick Martyt dhe prej sajë pastaj të nxiret kapital në bisedat për statusin e Kosovës. Kjo është filozofi ditore e shërbimëve dhe prej këtyre trillimeve ata paguhen dhe bëjnë karierë. Ai rast është i konsumuar dhe tani nxiten Greqia,Maqedonia dhe Mali i zi që të kenë kujdes dhe momenti është aty; burgosjet në Shqipëri e Kosovë në lidhje me xhihadistët. Deklaratat e fundit lidhur me me ngjarjen futbollistike e Vuciq, Daciq dhe Nikolq si lojtar standard te dikurshem te skuadrave te Sheshelit dhe të Milosheviqit duhet lexuar me kujdes.
Ata janë kërcnuese dhe te paekuibruara, janë një histeri adoleshentësh.
Prandaj te kemi kujdes me festimin e kësaj “fitoreje” të shqiptarëve.
