Sipas Policisë, të dy këta persona kanë ushtruar dhunë fizike mbi vajzën Xh.H., duke e detyruar të punojë si prostitutë për interes të tyre. Ndërkohë, babai i vajzës, Dalip Haka duke folur për “News24”, është shprehur se, dy të arrestuarit rezultojnë me precedent penal pasi janë të dënuar dhe më parë.
Ai thotë se vajza e tij është ndikuar dhe nga ambienti pasi që e vogël është braktisur nga nëna. Haka shprehet se vajza kishte ndërprerë ndjekjen e shkollës pas klasës së tetë. Nga hetimet e Policisë, rezulton se e mitura kryente marrëdhënie me klientë, të cilët i gjenin të arrestuarit. Për raport, ajo paguhej 3 000 – 5 000 lekë.
