Lideri i Partisë së Pavarësisë në Mbretërinë e Bashkuar, i ekstremit të djathtë, Nigel Farage, mbajti një qëndrim të fortë duke thënë se nëse kërkesa e azilit për 5 shqiptarët do të pranohet, atëherë plazhet britanike do të mbushen me trupa emigrantësh të mbytur.
“Nëse u japim statusin e azilantit shqiptarëve, vendi i të cilëve do të jetë një anëtar i BE-së në të ardhmen, ne u japim një ndihmesë të madhe edhe trafikantëve të emigrantëve”, tha ai.
Deklarata erdhi pasi kërkesës që 5 nga 18 shqiptarët e gomones së bllokuar në mes të detit kanë kërkuar azil në vend. Gjithashtu u vendos që 13 të tjerët të depërtohen.
Nga ana tjetër e bregut, në komunën e Dieppe në Francë, rreth 150 emigrantë shqiptarë kanë ngritur një kamp në kushte tejet të vështira.
Kryebashkiaku komunist i Dieppe-s, bëri thirrje për të mos i ndihmuar shqiptarët në kamp pasi ata janë refugjatë ekonomikë, e jo refugjatë lufte si sirianët.
Sipas mediave në Britaninë e Madhe, që prej vitit 2008 janë regjistruar më shumë se 4500 kërkesa për azil nga shqiptarët.
