Në këtë status Molliqaj ka folur edhe për lirimin e aktivistëve të VV-së të dënuar për sulmin ndaj Kuvendit të Kosovës.
“Nuk mund t’ua uroj Vitin e Ri pa menduar për Frashërin, Egzonin e Atdheun të cilët gjenden padrejtësisht në burg. Viti 2018 do të jetë vit i fundit të padrejtësisë ndaj tyre”, ka shkruar Molliqaj.
Por ai sikur deri më tani, as në këtë postim nuk e ka thënë asnjë fjalë për Albin Kurtin.
Ky i fundit ishte liruar nga burgu ditë më parë, për tu mbrojtur në liri.
Molliqaj me shokë nuk u panë as në zyrën e partisë, kurse atje për vizitë shkoi lideri shpirtëror, Albin Kurti.
Telashet në Vetëvendosje kishin nisur pas publikimit të disa mesazheve ku Aida Dërguti e ofendonte Kurtin.
Në mbrojtje i kishte dalur Molliqaj, i cili sipas disa zyrtarëve të VV-së kishte kërkuar që Albin Kurti të mos garonte për të parin e partisë.
Kjo dëshirë nuk iu plotësua Molliqajt, pasi Kurti tash edh zyrtarisht është kandidat për kryetar të Vetëvendosjes.
