Mjaft qytetarë maqedonas janë pajisur me diploma dhe tituj shkencor nga 17 universitetet private shqiptare që pritet të mbyllen
Ministria maqedonase e Arsimit dhe Shkencës reagon ndaj vendimit të qeverisë shqiptare për mbylljen e disa universiteteve private në Shqipëri. Lajmi ka zënë një vend të rëndësishëm në mediat e shtetit fqinj, duke qenë se mjaft qytetarë maqedonas janë pajisur me diploma dhe tituj shkencor nga 17 universitetet private shqiptare që pritet të mbyllen.
“Ministria e Arsimit dhe Shkencës monitoron gjendjen aktuale të Universiteteve në Republikën e Shqipërisë. Në këtë drejtim, duam të informojmë që të gjithë studentët që janë diplomuar jashtë vendit, deri tek Ministria për Arsim dhe Shkencë duhet të dorëzojnë dokumente valide dhe origjinale që janë të nevojshme për kryerjen e procedurës për verifikimin e diplomave, e cila është e rregulluar me Ligjin për arsim të lartë. Procedura për nostrifikim është në kompetencë të Qendrës informative për ekuivalencë dhe pranim të diplomave , shërbim në suaza të MASH, e cila bën kërkesë për verifikimin e vlefshmërisë së dokumentit të huaj të arsimit të lartë, respektivisht zotëruesin e saj deri te institucioni i cili e ka lëshuar dokumentin dhe e kontrollon akreditimin e institucionit të huaj të arsimit të lartë”, thuhet në njoftimin për shtyp të MASH.
Dokumentacionin e plotë të studentëve të diplomuar, do ta shqyrtojë një komisioni i përbërë prej 5 profesorëve universitarë të cilët krahasimin e lëndëve, programeve studimore si dhe nivelet e arsimit, kushtet për regjistrim në programin arsimor, të drejtat që diploma, gjegjësisht çeritifikata që i jep në vendin ku është lëshuar, krediteve të fituara gjatë studimeve në përputhshmëri me Sistemin Evropian të transferimit të kredive ( ECTS), si dhe rezultatet e procesit arsimor.
Sipas njoftimit, tek të gjitha rastet kur ka kërkesë për verifikim të vlefshmërisë së dokumentit të huaj të arsimit të lartë, Ministria e Arsimit dhe Shkencës, përgjigjet në perputhshmëri me ligjet e vendit.
