Ditën e mbajtjes së testit u raportua për kopjim masiv nga ana e nxënësve dhe disa mësimdhënësve. Për ta ishin paralajmëruar ndëshkime. Njeri nga këto ndëshkime rezulton që do të jetë publikimi i emrave të mësimdhënëseve dhe nxënëseve që manipuluan me testin e maturës.
“Ende nuk kanë përfunduar raportet sa i përket nxënësve dhe mësimdhënësve manipulues në pjesën e parë të testit të maturës”, tha Mustafa për “Tribunën”. Ai tha se nuk dëshirojnë ta akuzojnë askënd pa pasur fakte. Megjithatë, premton se këtë javë ata do të dihen. “Këtë javë gjithsesi do t’i publikojmë dhe do të jeni të njoftuar edhe ju”, tha Mustafa. Të premten që shkoi Mustafë Kadriu nga Ministria ka thënë për gazetën Tribuna se nxënësit të cilët kanë kopjuar do t’iu anulohet testi, ndërsa administratorët që nuk e kanë kryer punën si duhet, do të ndëshkohen. Sa i përket pjesës së dytë që u mbajt të shtunën pati edhe lëvdata.
