Të hënën një grup protestuesish u mblodhën përpara selisë së Partisë Socialiste, duke kërkuar largimin e kreut të saj, Edi Rama.
Lëvizja quhet “Çohuni socialistë”, raporton News24.
Protestuesit janë anëtarë të PS nga disa degë të ndryshme në rrethe.
Ata mbajnë me vete edhe teserën e partisë.
Sipas tyre, Edi Rama e ka kthyer partinë në çiflig të tij.
“Në parti ka tre vite që nuk bëhen zgjedhje,” thonë ata.
“Duhet t’i hapet rruga riorganizimit të Partisë Socialiste”.
Edhe deputeti socialist, Ben Blushi e ka kritikuar mungesën e zgjedhjeve në PS.
Mes protestuesve është edhe Shkëlqim Meta, që ka kandiduar në të shkuarën për kreun e Partisë Socialiste.
“Protestojmë sot për të bërë prezent, mes shumë problematikash që ka PS, edhe çështjen e zgjedhjes së kryetarit,” tha Meta.
“Kryetarit aktual i ka mbaruar mandati në vitin 2013 dhe po drejton pa mandat, duke u përpjekur të bëjë modifikime në statut, kur statuti ynë është taksativ,” shtoi ai.
Sipas tij, anëtarët e PS do mbledhin firma për mocion mosbesimi ndaj Ramës. mapo
