“PD rrezikoi që në vend që të çojë në krizë sistemin, të çojë në krizë vetë partinë.
Politikisht është luajtur shumë keq, sepse një pjesë e deputetëve që nuk pranojnë më që të funksionojnë siç ka funksionuar PD në këto 20 vitet e fundit mund të mos i bindeshin urdhrit të partisë për të djegur mandatet kot pa asnjë argumentim dhe mund të hynin në Parlament dhe kështu mund të përçahej PD.
Ky është komenti i ish-deputetit demorkat, pedagog i komunikimit Mark Marku lidhur me bojkotin e opozitës .
I ftuar sot në mëngjes në studion e “Ditë e Re” të Ora News, përballë gazetarit Enkel Demi, ish deputeti i PD-së thotë se kriza e vërtetë do të ishte nëse opozita do të digjte mandatet ky ishte dhe shqetësimi i ndërkombëtarëve që angazhuan dy deputetë të PE-së për të ndërhyrë në zgjidhjen e saj dhe hartimin e rezolutës.
“Kukan erdhi sepse u krijua një situatë absurde. Duhet pranuar se nëse PD nuk ka pasur sukses në arritjen e ndonjë objektivi politik por në fakt shkaktoi krizën.
Në momentin që partia kryesore e opozitës nuk merr pjesë në parlament për një kohë shumë të gjatë dhe shkon drejt djegies së mandatave, kjo do të krijonte krizën.
Kriza nisi dy tre ditë para se të digjeshin mandatet e PD-së sepse po të mos ishte çështja e djegies së mandateve nuk do të kishte kurrfarë krize.
Nëse do të digjeshin mandatet e PD-së dhe opozita do të ngelej pa parlament pastaj do krijoheshin probleme dhe ndërkombëtarët u shqetësuan pikërisht për këtë dhe kjo do të ishte kriza e vërtetë. “
Por a është një fitore për Bashën kjo?
“Çfarë fitore e Bashës?! Fitore që hyri në parlament?! Ai ishte. Është sikur njeriu të dalë nga shtëpia, të hyj në shtëpi dhe më pas të thotë fitova shtëpinë. Nuk ka pasur arsye të dalë dhe ishte një marrëveshje për të krijuar mundësinë në mënyrë që të hynte në mënyrë dinjitoze” thotë Marku.
“Por bojkoti në vetvete nuk ka qenë ngjarje e madhe politike. Nuk kushtëzoi maxhorancën, nuk rriti ndjeshmërinë e publikut ndaj një X cështje të caktuar. Ka dhe një problem, publiku sa e ka ndjeshmërinë ndaj personave të inkriminuar, pasi është elektorati që e ka votuar.
Kushdo që ka qenë i inkriminuar ka shkuar në një zonë të caktuar dhe ka marrë votën. Pra edhe elektorati nuk e ka shumë ndjeshmërinë.”
Rezoluta nuk përcakton asgjë
Rezoluta thotë Marku nuk përcakton asgjë, as për 84 votat dhe as për dekriminalizimin e parlamentit.
“Gjetja e një konsensusi për mos përdorimin e shumicës së cilësuar ka qenë praktikë e jetës parlamentare dhe më para, dhe ngre pyetjen si do bëhet dekriminalizimi??
“ Një rezolutë nuk zgjidh problemin është një anomali që buron si funksionojnë partitë tonë. Mungesa e demokracive brenda partive shqiptare sjell që liderët tu drejtohen elementevë ordinerë për të drejtuar partinë, elektoratin.
Pra nuk konkurohet me vlera por me njerëz që mbledhin njerëzit i vënë në rrjesht brenda partisë, kërcënojnë elektoratin, më pas kërcënojnë njëri tjetrin në fushatë.
Dekriminalizimi bëhet me gjykata nuk merret me vendime politike, nuk mund të merret me vendime politike.
Të fortët në funskion të liderëve apo liderët në funksion të fortëve?? Pse duhen të fortët në Parti. Përgjigjja e Mark Markut është: “Në fazën e parë janë të fortët në funksion të liderëve pastaj në momentin që bashkëpunon me element kriminalë shndërrohesh I varur nga ata. Edhe PD është drejtuar, ndoshta pak më pak se PS por ka të njëjtën sindromë.
Duhen të fortët sepse nuk kanë rezistencë brenda partisë, nëse të fortëve u thua që partia jo vetëm nuk dueht të jetë jashtë parlamentit por dhe jashtë Shqipërisë shkojnë, ndërsa njerëzit që kanë një farë integriteti intelektual.”
