Mbledhja vjetore e Këshillit Koordinues të Diasporës nuk ishte vetëm bilanci i një viti pune, por edhe një tryezë diskutimi për çështje më të nxehta që i takojnë Diasporës. Kryetari i KKD, Mark Gjonaj gjatë gjithë fjalës së tij hapësi ritheksoi disa herë rëndësinë e lidhjes që duhet të ketë Diaspora me vendin amë, jo vetëm sa i takon zhvillimit ekonomik e social por gjithashtu për të krijuar një të ardhme më të mirë për brezat e ardhshëm.
Mbetet ende pezull garantimi i të drejtës së votës së Diasporës, ndaj Gjonaj bëri thirrje për mos ti vonuar aktet nënligjore.
Fjala e plotë:
Është një privilegj për mua si kryetar i KKD që po e hap këtë mbledhje duke uruar Ditën e Diasporës, një ditë ku duhet ta rifokusojmë energjinë për një riangazhim ndaj identitetit tonë dhe vlerat kombëtare.
Në dhjetor 2019 ka qene hera e fundit që ne jemi bashkuar. Në atë kohë askush nuk e dinte që tre muaj më vonë, pandemia do të mbyllte botën dhe prioritetet e të gjithëve do të ndryshonin për shkak të saj. Por gjatë kësaj periudhe tre vjeçare anëtarët e KKD-së kanë kontribuar, kanë bërë sakrifica për nevojat e popullit shqiptar kudo që është në botë edhe në lidhje me vendlindjen e Shqipërinë.
Me të vërtetë anëtarët e KKD-së kanë qenë një zë për Diasporën dhe për këtë i përgëzoj me zemër për punën dhe veprat e tyre. Gjithashtu dua të falënderoj Agjencinë Kombëtare të Diasporës dhe drejtuesen e saj znj. Sonila Hysi për gjithë punën dhe përkrahjen që na ke dhënë në këto tre vite.
Pasuria e Shqipërisë është populli, jo vetëm qytetarët e Shqipërisë, por të gjithë shqiptarët që jetojnë jashtë vendit, ata që jetojnë në Kosovë, Maqedoninë e Veriut, Çamëri, Mal të Zi edhe në Luginën e Preshevës si dhe Diaspora që jeton e shpërndarë në çdo cep të botës.
Gjeografia mund të na ndajë, por është gjuha, historia, kultura e dashuria për kombin tonë që na bashkon.
Diaspora luan një rol të madh në ruajtjen e gjuhës, identitetit e trashëgimisë që kemi në vendlindjet tona.
Por jep kontributin e saj edhe në kulturë ekonomi dhe jetën sociale. Që të mund të ndërtojmë një të ardhme më të mirë për veten dhe për brezat e ardhshëm, në vendlindjet tona, që të munden brezat e ardhme që ta gëzojnë.
Diaspora nuk sheh ndonjë diferencë mes shqiptarëve prej krahinave dhe trojeve shqiptare, as nuk sheh një diferencë me qytetarët e atyre trojeve, sipas Shqipërisë dhe Kosovës. Ne shohim interesin e të qenit të bashkuar. Një gjë që na lidh dhe që të fitojmë nga njëri tjetri, sepse e dimë që kur punojmë sëbashku, realizojmë gjëra madhështore.
Dua të kujtoj sakrificën kur nisëm djemtë e vajzat të luftonin për çlirimin e Kosovës. Një tjetër shembull është lobimi që bëjmë në qeveritë e vendeve të tjera për të mirën e për të ardhmen e popullit tonë dhe për nevojat e çështjeve kombëtare të shteteve tona.
Roli i Diasporës duhet të njihet dhe të vlerësohet. Diaspora nuk është një eksperiment social por as një bankë për lek, Diaspora është një grup madhështor me forcë, me influencë e me shumë vlerë.
Një përqindje e madhe e shqiptarëve jetojnë jashtë trojeve shqiptare.
Të dhënat e INSTAT në vitin 2020 raportojnë për 1.6 milion shqiptarë jetojnë jashtë vendit, 37 % e popullsisë.
Ka ardhur dita dhe koha që Shqipëria të çel dyert, të na “përkëdheli” si partnerë, e si një aset të vlefshëm.
Nderojeni Diasporën sepse jemi një thesar Kombëtar, Investoni te ne që ta mbajmë gjuhën traditën kulturën gjallë.
Mos na tregoni së sa na doni, por na e tregoni se sa shumë në doni. Na e tregoni duke na mundësuar të drejtën e Votës. Na jepni të drejtën që Diaspora të përmbushë obligimin e saj dhe përgjegjësinë e saj qytetare.
Mos u vononi me aktet nënligjore, është një e drejtë. Një shprehje thotë, “Drejtësi e Vonuar është Drejtësi e Mohuar”, pra mos i vononi aktet nënligjore.
Bashkëpunimi me Diasporën duhet bërë për të pasur një influencë në të ardhmen, për ata shqiptarët që jetojnë në vendet e tjera, e që për mendimin tim kanë për të qenë partnerë në ndërtimin e së ardhmes për shqiptarët. E ardhmja e Shqipërisë.
Unë jam i sigurt që ky takim dhe punët e tjera që kemi në të ardhmen vetëm kanë me na bashku dhe me na lidh më shumë me vendlindjen dhe me njëri-tjetrin.
