Nënkryetarja e Parlamentit Evropian, Ulrike Lunaçek, ka shprehur rezervat e saj lidhur me Marrëveshjen për themelimin e Asociacionit të komunave me shumicë serbe, raporton KTV.
Lunaçek, e cila është edhe raportuese për Kosovën e Parlamentit Evropian, është zyrtarja e parë evropiane që ka pranuar se kjo marrëveshje ka disa probleme.
Ajo e ka vlerësuar krejt normale masën e suprimimit të përkohshëm të marrëveshjes nga Gjykata Kushtetuese dhe se do të ishte mirë që Kosova ta referojë këtë marrëveshje edhe në Komisionin e Venecias, transmeton Koha.net.
Lunaçek i ka rekomanduar qeverisë që para rundit tjetër të bisedimeve ta njoftojë Kuvendin dhe të njëjtën ta bëjë edhe pas kthimit nga Brukseli.
“Nëse Gjykata Kushtetuese konstaton se jo gjithçka në atë marrëveshje është në përputhje me Kushtetutën, atëheërë ajo duhet të ndryshojë. Edhe unë i kam parë si problematike disa pjesë të saj, si për shembull ajo se në disa pozita duhet të caktohen vetëm serbët. Kjo nuk është diçka që duhet të ndodhë në një shtet multietnik. Pra, nëse Gjykata vendos ashtu, atëherë duhe të ketë rinegociim”, ka thënë ajo.
Por, Lunaçek ka theksuar se e vetmja mënyrë për zgjidhjen e mosmarrëveshjeve është dialogu.
“Kam folur me kryetarin e Kuvendit. Ai më ka njoftuar se e ka ftuar në dialog opozitën, e cila po e bllokon punën e kuvendit. Mendoj se kjo është ide e mirë. Do të ishte mireë që për Asociacionin të diskutohet në Kuvend dhe aty të votohet për të. Kjo është marrëveshje mes dy shteteve dhe, për mendimin tim, si parlamentare, për të duhet të votojë Kuvendi”, ka theksuar ajo.
“Shpresoj se opozita do të kthehet në Kuvend që të diskutojë, dhe nuk do të përdorë forma të dhunës. Siç kam thënë, hedhja e vezëve dhe gazit lotësjellës nuk më pëlqejnë jashtë parlamentit e aq më pak brenda tij”, ka shtuar Lumaçek.
Nënkryetare e Parlamentit Evropian ka deklaruar se mesazhi kryesor i Raportit të Progresit për këtë vit është se ka pasur tepër pak progres në të gjitha fushat në Kosovë.
Ajo ka thënë se liberalizimi i vizave nuk është punë e kryer, sepse duhet ndërmarrë masa, sidomos në luftën kundër korrupsionit në nivel të lartë.
“Kjo është kërkesë kryesore që duhet ta përmbushë Kosova për të marrë liberalizimin. Unë jamë përkrahëse e fuqishme e procesit të liberalizimit të vizaver për Kosovën. Edhe Parlamenti Evropian është përkrahës, prandaj shpresoj se së bashku do të bëjmë të mundur që edhe ministrat e Brendshëm të vendeve anëtarë (të Bashkimit Evropian v.j.) do të japin dritën e gjelbërt për liberalizim të vizave vitin e ardhshëm. Por, ende nuk është krejtësisht e qartë se kjo do të ndodhë”, ka thënë ajo.
Lunaçek ka bërë të ditur se Parlamenti Evropian pritet ta ratifikojë Marrëveshjen për Stabilizim Asocim me Kosovën më 3 janar të vitit 2016.
Ajo ka shprehur keqardhje për mosanëtarësimin e Kosovës në UNESCO. Ajo ka thënë se Kosova nuk ka pasur strategji të mirë për këtë, por ka therkdsuar se fajin kryesor për këtë e ka Serbia, e cila ka vepruar në kundërshtim me idenë e krijimit të fqinjësisë së mirë.
