Në argumentin e sipër, Lubonja ka numëruar shkeljet që ka bërë kryeministri, duke iu referuar edhe shembjes te Stadiumi “Qemal Stafa”, jo vetëm antiligjore, por sipas tij, edhe duke talluar shqiptarët. Sipas Lubonjës, Rama e ka “ose nga deliri, ose nga kokaina”.
“Ky o e ka nga deliri, o e ka nga kokaina, i duken shqiptarët si miza. Kur prishi stadiumin “Qemal Stafa” duke shkelur 7-8 ligje menjëherë, kupton ti, unë habitem se si i rrinë rrotull ata. Ai Erion Veliajn e ka katandisur në një shërbëtor kështu. Berisha, Lulzim Bashës një çikë më shumë dinjitet i la në bashki. Ky e ka bërë Erionin si me qenë kështu …, ca të them unë. Ai thotë zero ndërtime, ky thotë kulla gjithandej. Imagjino si tallet me shqiptarët këta kupton ti, pa kokainë nuk bëhet kjo. Në këtë kuptim e kam tejkaluar parashikimin”- tha gjatë fjalës së tij në studion e “News 24”, analisti Fatos Lubonja.
