Kreu i PD, Sali Berisha, në konferencën e përjavshme për mediat, po flet lidhur me raportin e bërë publik nga administrata amerikane i cili thotë Rusia financoi këtë forcë politike me 500 mijë dollarë në 2017-ën, kohë kur drejtohej nga Lulzim Basha.
Berisha tregon se ka pyetur Bashën se çfarë qëndron pas këtij artikulli të medias Mother Jons dhe ai i ka thënë se bëhet fjalë për para të mbledhura me procedure te rregullt në diasporë dhe SHBA dhe se artikulli i publikuar s’kishte asgjë të vërtetë.
“Në vitin 2018 ambasadori Donald Lu më solli në zyrë një dosje me një artikull të portalit apo gazetës Mother Jons, për financimin me para ruse të Muzin, që të lobojë për Lulzim Bashen dhe PD. Në dosje, përveç artikullit të Mother Jons, dhe një flete që tregon se se Muzin ishte i regjistruar në DASH si lobues për PD, nuk kishte asnjë dokument tjetër për këtë aferë. Lulzim Basha i pyetur nga unë se çfarë qëndron pas këtij artikulli më deklaron se paratë e paguara për Muzin janë para të mbledhur me procedure te rregullt në diasporë dhe SHBA dhe se artikulli ska asgjë të vërtetë. Janë para të mbledhur anë përputhje me ligjin dhe rregullat. Ai e deklaroi shumë herë publikisht këtë shpjegim, kam besuar variantin e këtij të fundit. Më vonë u vura në dijeni se Basha mbahej peng me dosjen Muzin dhe se çështja ndaj tij u mbyll në gjykatë me ndërhyrje të Agaçit ku prokurori duke shkelur ligjin nuk bëri rekurs në Gjykatën e Lartë. E kam denoncuar këtë nga Foltojra në foltore këtë akt. Përveç kësaj jam informuar se Basha kishte mashtruar dhe nuk kishte bërë mbledhje fondesh në diasporë. Pas këtyre informacioneve, vetëkuptohet se burimi i parave të paguara mund të ishte rus, siç kishte shkruar Mother Jons. Më 14 prill të 2022, kam denoncuar para jush te parlamenti financimin rus të Bashës dhe mbylljen e dosjes së tij ruse nga Edi Rama.”, tha Berisha.
