Avokati Mahmut Halimi deklaroi se sot janë liruar nga paraburgimi klientët e tij, imamët Enis Rama dhe Ekrem Avdiu. Sipas avokatit Halimi, procedura vazhdon dhe ata tani mbrohen në liri.
Lirimi i dy imamëve të paraburgosur u bë pas kërkesës së prokurorit të rastit, Haki Gecaj. Raportohet se Gjykata e Apelit ende nuk ka vendosur lidhur me imamët e tjerë, të cilët janë arrestuar javën e kaluar, të dyshuar se kanë kryer vepra penale që e rrezikojnë rendin kushtetues të Kosovës.
