Donalda Tana
lEGAL Associate Ashton Ross Law
Një ndër problemet më shqetësuese sot për komunitetin shqiptar në Britani, mbetet marrja e letrave nga Ministria e Brendshme për anulimin e shtetësisë britanike.
Ky problem e ka zanafillën që nga Lufta e Kosovës, që detyroi dhjetëra e mijëra shqiptarë të vinin drejt Britanisë, me pretendimin se ishin viktima të persekutimit në Kosovë, pra duke u hequr si refugjatë të tillë. Pretendohet se janë të shumtë ata shqiptarë të Shqipërisë që kanë fshehur identitetin e tyre të vërtetë, me qëllim përfitimin e lejes së përhershme të qëndrimit ose marrjes së shtetësisë britanike.
Tashmë kanë kaluar shumë vite që këta Shqipëtarë gëzojnë statuse të tilla, por vazhdojnë të jenë në ankth e të ndjehen edhe konfuzë, se çfarë do të ndodhë me statusin e tyre, sikurse edhe me familjarët e tyre.
Seksioni 40 i Aktit të Nënshtetësisë Britanike e vitit 1981, deklaron se shtetësia e dikujt mund të hiqet ose të konsiderohet e pavlefshme, nëse ata kanë mashtruar dhe kanë dhënë informacione të rreme për të përfituar leje qëndrimi të përhershme apo shtetësi britanike.
Në bazë të këtij ligji Ministria e Brendshme në shumë çështje ka vendosur se nëse një mashtrim i tillë ka ndodhur, atëherë edhe periudha që ata kanë pasur shtetësinë, do të quhet e pavlefshme dhe do të deklarohet se ata nuk kanë qenë asnjëherë shtetas britanikë.
Megjithatë, e gjithë kjo mori një kthesë tjetër në datën 21 dhjetor 2017, kur Gjykata e Lartë e Mbretërisë së Bashkuar në çështjen e Hysaj vs SSHD mori vendimin që diçka e tillë ishte e paligjshme. Arsyeja për këtë vendim ishte për faktin se këto persona qe kanë mashtruar duke thënë se janë refugjatë nga Kosova, nuk kanë marrë identitetin e dikujt, por thjeshtë i kanë dhënë vetes një identitet të ri, të cilin nuk e kishin pasur më parë.
Ky vendim gjithashtu deklaroi se çdo fëmijë që ka lindur në Britani, Shqipëri apo në çdo vend tjetër të botës, fiton automatikisht statusin e shtetasit britanik dhe duhet vetëm të provojë se ditën e tij të lindjes, prindi biologjik ka qenë shtetas britanik.
Ky vendim vlen për të gjithë, pavarësisht faktit se prindi mund të ketë mashtruar për identitetin e tij të vërtetë për të përfituar leje qëndrimi të përhershme dhe shtetësi britanike. Nëqoftëse, Ministria e Brendshme ju dërgon një letër t’ju informojë që kanë dyshime për identitetin tuaj të vërtetë ose duan të ju heqin Shtetësin Britanike, atëherë çdokush që ka qenë resident në Britani ka mbrojtje sipas ligjit:
a)Te kërkojn zbulim të plot të informacionit – Janë të shumtat rastet kur Minsitria e Brendshme nuk mund të japë informacione për dokumenta konfidenciale që ata kanë ndaj një personi, dhe si rezultat do u duhet të tërheq vendimin për heqjen e Shtetësisë së dikujt.
b)Mosha – Mosha e dikujt është shumë e rëndësishme. Nëqoftëse dikush ka qenë i mitur kur ka ardhur në Britani, atëher ai/ajo nuk mund të jetë përgjegjës për çdo informacion që mund të jetë dhenë ne atë kohë.
c)Familja – Nëqoftëse dikush ka familje ne Britani, dhe kryesisht ka integruar në shoqërinë Britanike, atëher mund të jetë e vështirë për Ministrin e Brendshme të marrë ndonjë vendim ndaj një individi.
Lista më sipër nuk është e limituar. Eshtë shumë e rëndësishme që në momentin kur ju merni një letër nga Ministria e Brendshme të kërkoni këshillë ligjore.
Kjo për arsye se ju duhet të paraqitni një përgjigje ndaj Ministrisë së Brenshme, duke treguar çdo lloj argumenti ligjor që mund të jetë i përshtatshëm në çeshtjen tuaj. Nëqoftëse jeni të shqetësuar dhe keni marrë një letër nga Ministria e Brendshme për heqjen e Shtetësisë Britanike ose shqetësoheni se mund të merni një të tillë, atëherë ju mund të kontaktoni zyrën tonë për këshillë ligjore falas dhe konfidenciale. Ne jemi të gatshëm t’ju vijmë në ndihmë për çdo shqetësim që ju mund të keni.
Ashton Ross Law Address: No 16, St Martin’s Le Grand, St Paul’s, London, EC1A 4EN Tel: 020 3815 8440 E-mail: info@ashtonrosslaw.com (Ne gjuhen shqipe) Dona: Mob 07856 233878
