“E fituam një betej pra bashkë me miqtë tonë, por sot, po përndjeken ata të cilët janë më meritorët për çlirimin e vendit. Janë bërë gati dy dekada prej se e fituam Kosovën tonë të lirë e pa administratën e pushtuesit. Thamë që u cliruam. Por kjo lufta e dytë kundër djemve me të zot të luftës Çlirimtare, me burgosje e aktakuza të paqena por të cilat janë të ndërtuara të gjitha në Beograd, po del të jetë edhe me e ashpër dhe me humbje edhe me të mëdha, morale më së shumti, për Ushtrinë Çlirimtare të Kosovës”, ka thënë ndër të tjera Lekaj në seancën e sotme.
Ky është fjalimi i plotë i Lekajt në seancën e sotme:
Njëherë e një kohë na kishte rënë Millosheviqi në shpinë, duke na thënë terroristë e irredentistë vetëm pse kërkonim lirinë tonë, shtetin tonë. Kur ju përgjigjëm ushtarë me ushtarë, ai fillojë të hakmerrej në popullatë civile, duke vrarë e masakruar, e përdhunuar me dhjetramijëra, deri në atë masë që edhe femijët e gratë shtatëzëna nuk i kursente.
Të gjitha këto përjetime i dijmë ne si popull.
Por, drejtësia, e UNMIK-ut, e EULEX-it, tribunalet ndërkombëtare, e drejtësia vendore, a u moren me ketë çeshtje seriozisht ndonjëherë?
Përgjigjja është, JO!
Le t’na i thotë dikush 5 emra eminent të udheheqjes së policisë, ushtrisë e paramilitarëve serbë, të cilët i kanë udhehequr me dhjetëra masakra ndaj popullit të Kosovës, vetëm pse kanë qenë të një etnie tjetër, e vetëm pse e kanë dashtë lirinë, që janë arrestuar e denuar për këto krime.
Edhe ashtu nuk do të mjaftonte, sepse Serbia ka qenë agresori në kuptimin e plotë të fjales, ka qenë me e motorizuar, me e sofistikuar dhe në të njëjtën kohë ka qenë prezent në të gjitha vendet ku kanë ndodhur edhe masakrat, bile nga njëherë janë përsëritur në të njëjtin vend nga dy e tre herë vrasjet makabre ndaj civilëve shqiptarë.
Sot Serbia nuk e merr mundin të tregojë edhe për fatin e atyre që i zhduki…e pretendon të integrohet në BE.
Sot jam këtu para jush, kolegë deputetë, para qytetarëve përmesë mediave, që i falenderojë për prezencen e tyre. Jo për të folur kundër drejtësisë, sepse secila viktimë e cilitdo nacionalitet çoftë ajo, është për keqardhje që ka ndodhur, por jamë për të shprehur brengen time, e të grupit parlamentar, për menyrën se si po bëhët kjo drejtësi.
Ne kemi treguar se jemi të hapur për organet e drejtësisë, si ato vendore, si ato ndërkombëtare që nga 2001 me UNMIK-un, pastaj me gjykaten e hages në 2005, për të vazhduar tutje me EULEX-in, i cili për çdo muaj jep denime dëri në një shekull për grupet siç i quajn ata, herë të dukagjinit, herë të drenicës, herë të llapit, herë të shalës, tani se fundmi edhe Gjykata Speciale, e cila do të jetë jashtë juridiksionit të Kosovës.
Poashtu edhe Serbia po bënë drejtësi në kurriz të Kosovës, (sipas saj) duke arrestuar qytetarë të Kosovës, e duke i nxjerrë para gjykatave, por kriminelët e vërtetë të saj, ku janë, përkundrazi, ju ka dhënë edhe medalje për angazhimin e tyre, kundër shqiptarëve. Sot janë edhe Gjeneral e Komandant të përgjithshëm të ushtrisë së Serbisë, ata të cilët do të duhej të ishin në burg.
Nganjëherë të jepet me kuptu sikur ne kishim qenë okupatorët e serbisë, e jo Serbia okupatore e Kosovës. Prandaj të ndajmë çka është drejtësi, e çka është politikë, në emër të drejtësisë kundër UÇK-së.
