“Edhe pse rezultati ishte i ngushtë, kjo do të thotë se Turqia është gjithnjë e më shumë duke u larguar nga sundimi i ligjit dhe demokracia. Rezultati ishte sinjal i qartë kundër BE-së”, ka thënë Kurz për APA.
Ai ka thënë se tash pret një ndryshim nga ata që e duan pranimin e Turqisë në Bashkimin Evropian, transmeton lajmi.net
“Turqia nuk mund të bëhet anëtare e BE-së”, shtoi ai.
Ministri i jashtëm austriak ka deklaruar gjithashtu se ata që kanë votuar kundër do ta kenë përkrahjen dhe mbështetjen e Evropës.
Në lidhje me rezultatet e referendumit ka reaguar edhe Ulrike Lunacek, e cila ka thënë se Bashkimi Evropian do të jetë i gatshëm për Turqinë në momentin që Erdogan shpreh gatishmëri për të vazhduar bisedimet për anëtarësim në këtë organizatë.
