“Qeveria e Serbisë po kërcënon të nisë një luftë të re ballkanike”. Kështu është shprehur kryeministri i Republikës së Kosovës, Albin Kurti, në një intervistë për gazetën britanike “The Telegraph” .
Kurti ka akuzuar presidentin Vuçiç se po vepron si “Gjermania mes Luftërave Botërore” dhe paralajmëroi se krizat e fundit në Kosovë dhe Bosnje-Hercegovinë mund të përshkallëzohen nëse qeveritë perëndimore nuk e marrin seriozisht.
Kurti tha për The Telegraph: “Unë mendoj se Serbia është padyshim më e rrezikshme se më parë.”
“Serbia ka rritur tej mase shpenzimet për ushtrinë. Nëse i kontrolloni shifrat për shpenzimet ushtarake të shpenzuara në Serbi, vitet e fundit janë rritur në qiell. Për kë po i blejnë të gjitha këto? Fakti që po e them këtë me shumë qetësi, është sepse e kam parë muaj e vite më parë”, shtoi ai. “Është një analizë racionale – jo emocional”, ka thënë tutje Kurti.
Serbia vendosi trupa në kufirin e Kosovës në shtator dhe protestuesit etnikë serbë u përleshën me policinë e Kosovës në veri të vendit muajin e kaluar për çështjen e targave. Në fillim të kësaj jave, përfaqësuesi i lartë i OKB-së në Bosnje , Christian Schmidt, paralajmëroi se Bosnjë-Hercegovina është në rrezik për t’u shpërbërë pasi separatistët serbë kërcënojnë se do të krijojnë ushtrinë e tyre dhe ekziston një perspektivë reale e një konflikti për luftë.
