Në Kosovë dukuria e varfërisë lidhet me papunësinë e lartë dhe nuk pritet të përmirësohet as gjatë periudhës 2016-2017, thuhet në raportin e fundit të Bankës Botërore.
Të dhënat e nivelit të varfërisë të Agjencisë së Statistikave të Kosovës, janë të vitit 2011. Sipas këtyre të dhënave, shkalla e varfërisë së përgjithshme është 29.9 për qind, derisa varfëria ekstreme 10.2 për qind.
Varfëria ekstreme, sipas Bankës Botërore, përkufizohet si jetesa me më pak se 2.5 dollarë në ditë, derisa varfëria e përgjithshme nënkupton jetesën me 5 dollarë në ditë.
