Mediat italiane të cilët raportojnë lajmin, thonë se marijuana ishte e fshehur pas një muri të një vile buzë detit në rrethin e Santo Stefano.
Ndërkohë në det, në breg, është gjetur edhe një gomone. Droga ishte e ndarë në 137 qese dhe nëse do të arrinte që të hidhej në treg, vlera e saj shkon deri në 3 milionë euro. Ishte një kalimtar i rastësishëm i cili sinjalizoi policinë për prezencën e gomones të braktisur në det.
Pas konstatimit të gomones, agjentët kontrolluan në zonë ku zbuluan edhe sasinë e lëndës narkotike.
Dyshimet e para të hetuesve italianë janë që droga të jetë nisur nga Shqipëria, por diçka sipas tyre ka shkuar keq gjatë transportit dhe gomonia është braktisur nga korrierët të cilët kanë vendosur ta fshehin përkohësisht drogën, për ta marrë në një moment të dytë.
