Në Bukuresht u zhvillua dje takimi i 6-të i Këshillit Rajonal për Bashkëpunimin (KBR) ku u diskutua mbi raporti i Sekretarit të Përgjithshëm të KBR mbi Bashkëpunimin Rajonal në Evropën Juglindore në 2013-2014 dhe analizoi implementimin e Strategjisë dhe Programit të Punës së KRB 2011 -2013.
Takimi vjetor i KRB, u drejtua nga Sekretari i Përgjithshëm i KRB Goran Svilanovic dhe Ministri i Punëve të jashtme të Rumanisë Titus Corlăţean (aktualisht drejtues i Procesit të Bashkëpunimit të Evropës Juglindore. Ata diskutuan mbi zhvillimet në bashkëpunimet rajonale gjatë periudhës së punës së KBR dhe implementimin e Strategjisë dhe Programit të Punës së KRB 2014 -2016 dhe Strategjinë 2020″>2020 të KBR për Evropën Juglindore.
Ministri Corlatean përgëzoi rolin që ka luajtur KBR duke thënë se avantazhi më i rëndësishëm i bashkëpunimit rajonal është kapaciteti për të shtuar vetëbesimin ndërmjet vendeve të rajonit, duke i mbledhur ata në një kuadër të përbashkët pune dhe projekte zhvillimi si unifikues. Ai gjithashtu theksoi se Zgjerimi i BE drejt vendeve të Evropës Juglindore duhet të mbetet një përparësi në axhendën e BE dhe të pasqyrohet sipas konfigurimit të ri institucional në nivel BE.
Sekretari i Përgjithshëm i KBR, Goran Svilanovic, qartësoi rolin e Procesit të Bashkëpunimit të Evropës Juglindore si dora që kujdeset për ngushtimin e distancës mes BE dhe vendeve të rajonit.
Drejtori i Përgjithshëm i Komisionit Evropian për Zgjerimin, Christain Danielsson foli mbi “rolin përmbushës mes asaj çfarë Komisioni Evropian është duke kryer në Evropën Juglindore dhe punës së KBR”. Ai shprehu gjithashtu vlerësimin e Komunitetit Evropian për shkëmbimin e përvojave dhe ndërmjetësimin që KBR është duke lehtësuar në Evropën Juglindore përgjatë Strategjisë 2020″>2020 të tij për Evropën Juglindore.
Si drejtori aktual ashtu dhe ai i ardhshëm në rradhë i Proçesit të Bashkëpunimit për Evropën Juglindore (Rumani dhe Shqipëri) theksuan mbështetjen e tyre për Strategjinë 2020″>2020 të KBR si një pikë e rëndësishme e zhvillimin të rajonit në të ardhmen. Me rritjen e ulët dhe papunësinë si problemet më të mëdha në rajon, Strategjia 2020″>2020 u zhvillua nga KBR për të asistuar qeveritë në fokusimin e tyre mbi ekonominë, hapjen e vendeve të punës dhe qeverisjen e duhur të ekonomisë.
Strategjia 2020″>2020 për Evropën Juglindore është një strategji e përbashkët për zhvillimin e 7 ekonomive në Evropën Juglindore – Shqipëri, Bosnje-Hercegovinë, Kroaci, Kosovë*, Mal i Zi, Serbi dhe ish Republika Jugosllave e Maqedonisë. Strategjia është miratuar nga qeveritë e këtyre vendeve dhe ka filluar gjatë vitit 2014 me mbështetjen e KBR.
Me implementimin e 86 masave strategjike, vendet planifikojnë të heqin kufizimet tregtare, të promovojnë së bashku rajonin tek investitorët e huaj, të financojnë programe të përbashkëta kërkimore, të zhvillojnë infrastruktura të përbashkëta energjie dhe transporti, të mundësojnë lëvizjen e punonjësve në Ballkan dhe të përmirësojnë shërbimet qeveritare dhe mjedisin për të bërë biznes. Rritja e mundësuar nga këto masa do të hapë një milion vende pune deri nël vitin 2020″>2020 dhe do ta sjellë rajonin më afër hyrjes në BE. Aktivitete në nivel kombëtar dhe rajonal po implementohen tashmë dhe po përdoren një sërë instrumentesh të ndryshme në ndihmë të qeverive për t’ia dalë mbanë me sukses. Një instrument i tillë i Strategjisë 2020″>2020 që do të jetë i gatshëm për implementim është IPA II – instrumenti i BE për Asistencën Para-Hyrjes (në BE) – i cili siguron 11.7 Miliardë Euro në 7 vitet e ardhshme.
Takimi Vjetor, i organizuar në bashkëpunim me Drejtorin aktual rumun të Proçesit për Zhvillim të Evropës Juglindore dhe Sekretariatit të KBR, i paraprin Takimit të Ministrave të Jashtëm të Proçesit të Bashkëpunimit për Evropn Juglindore nesër (e Shtunë 20 Qershor 2014) dhe Samitit të Kryetarëve të Shteteve dhe Qeverive më vonë gjatë këtij muaji (25 Qershor 2014).
