Gjatë fjalës së sotme në Kuvend ish-kryeministri Berisha tha se nëse preket Kosova nga serbët, atëhere shqiptarët do të reagojnë si një kom i vetëm dhe do të bashkojnë të gjitha trojet ku jetojnë shqiptarë. Sipas Berishës Rama reagoi me vonesë për incidentin me trenin dhe se fut nën jorgan.
“Nuk kishte qëndrim më të turpshëm se ai i ekzekutivit shqiptar, në një moment që mund të shpërthente lufta. U fut nën jorgan dhe reagoi pas 24 orësh. Një diplomat i huaj më thoshte se ka mundësi të ketë një marrëveshje mes tij dhe Sandrit (Vuçiç). Ne ndaj çdo agresioni ndaj shqiptarëve, do të reagojmë si një komb i vetëm. Ne respektojmë paqen, por në qoftë se vini me agresion, do t’u përgjigjemi me të gjitha mundësitë dhe mjetet tona. Dua të bëj një saktësim te Ben Blushi. Jo bashkim me Kosovën, por të bashkohen të gjitha territoret shqiptare. A doni të hyni në këtë proces?! Të lopës janë ata?! Ne pranojmë paqen, Shqiptarët nuk do të jenë të humbur”, tha Berisha.
