“Nga tremujori në tremujor, Produkti i Brendshëm Bruto (PBB) ishte i sheshtë në tremujorin prill-maj-qershor në krahasim me rritjen 0,3 për qind në janar-shkurt-mars dhe 0,2 përqind në tetor-nëntor-dhjetor”, treguan të dhënat zyrtare të Istat-it.
Analistët prisnin një rritje prej 0,1-0,2 për qind.
“Në të dhënat vjetore, rritja u ngadalësua në 0,7 për qind nga një për qind në tremujorin e mëparshëm”, tha Istat-i.
Të dhënat janë një lajm i keq për qeverinë e kryeministrit italian, Matteo Renzi, i cili priste një rritje vjetore 1,2 për qind për vitin 2016.
Rritja e dobët do të përkeqësojë shifrat e borxhit dhe deficitit të Italisë si dhe do të zvogëlojë diferencën që qeveria të miratojë planet stimuluese ekonomike në buxhetin për vitin e ardhshëm, që do të paraqitet në tetor.
