Një skuadër e vogël shqiptare në turin e tretë e Champions League pasi mundi me anë të penalltive hungarezët e Ferencvarosh është dy hapa larg nga Europa e të mëdhenjve ku asnjë klub tjetër vendas nuk ia ka dalë të kualifikohet. Një tjetër mrekulli e futbollit, pas “përrallës” së Shqipërisë së Xhani De Biasit në Euro 2016? Deri në një farë pike. Kjo sepse Partizani ndeshjet kualifikuese për në Champions League as nuk duhet t’i luante fare. Ai vend i takonte Skënderbeut, kampionit të Shqipërisë, i cili është skualifikuar nga UEFA për një vit nga të gjitha kompeticionet ndërkombëtare për shkak të trupimit të rezultatit të disa ndeshjeve gjatë sezonit të kaluar.
Kjo është faqja tjetër, më pak e pastër dhe aspak ndërtuese e futbollit shqiptar.
Në fakt nuk bëhet fjalë për një rast të izoluar. “Problemi i klubeve shqiptare është endemik dhe ka lindur herët” – shpjegon për ilfattoquotidiano.it Francesco Baranca, sekretar i Federbet që kohë më parë se të ndërhynte UEFA kishte sinjalizuar disa herë flukset anormale të basteve gjatë ndeshjeve të skuadrës së Korçës.
“Mund t’ju citoj një datë 14 gusht 2003, turni i parë paraeliminator i Europa League. Dinamo Tirana – Lokeren 0-4 dhe Vilaznia – Dundee 0-2 janë praktikisht të trukuara praktikisht në të njëjtën kohë. Kjo është origjina e fiksimit të ndeshjeve të kohës moderne ashtu siç ne e njohim. Çështja është sigurisht shumë më gjerë se kaq dhe aktualisht ka të bëjë me të gjitha vendet e Europës Lindore”- thotë Baranca. Të vësh gishtin mbi një kampionat të vetëm apo mbi një skuadër do të ishte gabim. Megjithatë situata në Shqipëri është më serioze se askund tjetër.
“Askush nuk guxon më shumë për të kuotojë Superligën vendase. Ndeshjet e brendshme janë të besueshme, por kur ata të shkojnë jashtë vendit, në ndeshje zyrtare apo miqësore kombinohen në të gjitha mënyrat”, citon lapsi.al.
Pak a shumë është ajo që ka ndodhur me Skënderbeun. “Ne gjetëm katër ndeshje të manipuluara. Kundër Crusanders dhe Dinamos së Zagrebit më pas edhe me Sportingun e Lisbonës dhe Lokomotivën e Moskës në grupet e Europa League. Pa harruar këtu edhe një ndeshje të kampionatit mes Laçit dhe Flamurtarit”. Më në fund e vuri re edhe UEFA.
Në 1 qershor federata futbollistike më e madhe në Europë e dënoi kampionen e Shqipërisë me një vit, një vendim i konfirmuar edhe nga CAS në Lozanë. Rezultati është i njëjtë duke treguar fytyrën e humbur të besueshmërisë të futbollit evropian. UEFA-s iu desh të rishkruante kalendarin që kishte mbyllur më herët duke promovuar në Champions League, Partizanin që tashmë e kishte luajtur një ndeshje në Europa League si e dyta në klasifikim kundër Slovan Bratislava (ndeshja e dytë u anulua dhe sllovakët u kualifikuan në turnin e dytë).
“Gjëja më e rëndë është se UEFA nuk bëri asnjë për një dekadë dhe tashmë është nën iluzionin se e zgjidhi problemin me këtë skualifikim të vogël. Problemi nuk është Skënderbeu, por klubet shqiptare dhe ajo që fshihet pas tyre”.
Raportet mbi ndeshjet e dyshimta vazhdojnë. “Ndërsa Skënderbeu i ndalua të luajë në Champions League, javën e kaluar Teuta trukoi ndeshjen e saj kundër Almatit në Kazakistan. Nuk ka asnjë dyshim? Absolutisht. Kuotat për tu shënuar mbi 3.5 gola gjatë LIVE ishin të ulëta dhe si përfundim ndeshja u mbyll 5-0 ku tre gola u shënuan në 30 minutat e fundit”.
Mendoi ekipi kombëtar për të rehabilituar imazhin e futbollit shqiptar në “Euro 2016”. Dhe tani Partizani do të përpiqet për të shkruar një faqe të re të historisë. Por edhe historia e Shqipërisë ka hijet e veta.
