Hoxhaj sipas një komunikate të MPJ-së, është shprehur për një rol më të madh të Kroacisë në rajon si shtet anëtar i BE-së.
Një takim tjetër, Hoxhaj e ka zhvilluar edhe me ministrin e jashtëm të Hungarisë, Péter Szijjártó, me të cilin kanë diskutuar për një sërë çështjesh dhe përkrahjen në procesin e liberalizimit të vizave për shtetasit e Kosovës.
“Takime shumë përmbajtjesore që rikonfirmuan edhe njëherë miqësinë dhe përkrahjen e parezervë që kemi nga Kroacia dhe Hungaria. Kërkova mbështetjen e tyre në procesin e liberalizimit të vizave dhe për një sërë çështjesh tjera të karakterit bilateral. Jam shumë optimist për një fundvit të lajmeve të mira” ka thënë Hoxhaj.
Hoxhaj ka takuar edhe ndihmës asistentin e Sekretarit të Shtetit, Hoyt Yee, me të cilin është rikonfirmuar mbështetja amerikane në agjendën e njohjeve dhe anëtarësimit në organizata ndërkombëtare.
Takime të ndara, ministri Hoxhaj ka zhvilluar edhe me ministrin e jashtëm të Bosnjë dhe Hercegovinës, Igor Crnadak dhe zëvendësministrin e jashtëm grek, Dimitris Mardas me të cilët ka diskutuar për intensifikimin e bashkëpunimit institucional.
Hoxhaj ka marrë pjesë në Forumin tradicional të Dubrovnikut, ku pos takimeve ka mbajtur edhe një ligjeratë në panelin “Sfidat gjeopolitike”.
