Hoxhaj ka thënë se ata janë qytetarë të Kosovës, duke thënë se dita e djeshme nuk ka qenë një dështim në Kuvendin e Kosovës, as s’mbrapsje dhe as dorëzim.
“Ne do ta rikthejmë këtë marrëveshje në Kuvendin e Kosovës kur edhe përfaqësuesit e komunitetit serb do të jenë të pranishëm. Ata janë qytetarë të Kosovës, përfaqësuesit e tyre po ashtu janë qytetarë të Kosovës. Ata nuk duhet që vetëm t’i gëzojnë privilegjet e tyre por kanë edhe përgjegjësi dhe obligime që të mbështesin procese kyçe politike nëpër të cilat po kalon vendi” ka thënë Hoxhaj.
Një një njoftim për media thuhet se Hoxhaj pasi i dëshiroi mirëseardhje shefes së re të Zyrës së Be-së, në emër të qytetarëve të Kosovës, ai e ka informuar për zhvillimet më të fundit në Kosovë si dhe ka theksuar se Bashkimi Evropian është njëri prej partnerëve më strategjikë që ka republika më e re në Evropë.
“Gjatë muajit tetor do të mbahet takimi i parë i Këshillit të MSA-së, i cili do të kryesohet nga unë si ministër i Jashtëm dhe e cila do të jetë faza më e rëndësishme e kësaj marrëveshjeje. Biseduam se çfarë duhet të bëjmë që të koordinohemi më mirë për të ardhmen evropiane të Kosovës, por edhe sa i takon procesit të liberalizimit të vizave”, ka thënë Hoxhaj
Ai e informoi shefen e re të BE në Kosovë edhe për dialogun në mes të Kosovës dhe Serbisë, për pritjet që i ka Republika e Kosovës në një proces të tillë si dhe për bashkëpunimin e ndërsjellë në të ardhmen.
