“Bandat kriminale si Grabovci dhe të tjerët, jo vetëm që do të arrestohen, por do të ngrehen zhag dhe do të ju konfiskohet e gjithë pasuria”, ka thënë Molliqaj në “Zona e Debatit”
Pas kësaj deklarate, i menjëhershëm ka qenë reagimi i Nasim Haradinajt, ish-anëtar i Shtabit të Përgjithshëm të UÇK-së, anëtar i këshillit drejtues të PDK-së, kurse tash anëtar i strukturave të larta të AAK-së.
Nasim Haradinaj iu ka drejtuar Molliqajt me atë se kush është ai që bën kërcënime të tilla, duke i thënë se “mos është mësuar nga edukata familjare”, meqë sipas tij babain ia tërhiqnin zvarrë për ta sjellë në shtëpi, pasi rrinte i dehur ditë e natë.
“Po kush je t mor pizerveng që kërcënohesh se do t’i tërheqësh zvarrë njerëzit?! Mos të ka mbetur shprehi nga edukata familjare, sepse je mësuar që në fëmijëri ta shohësh se si babain tënd e tërhiqnin zvarrë për ta pru në shtëpi sepse rrinte dehur ditë e natë? E ti që kërcënohesh a e ke nga rakia a po çka të ka dehur? Të sugjeroj që të kesh kujdes mos po të kthehet asfallti fytyrës nga kjo dehje”, ka shkruar Haradinaj.
Përndryshe, Nasim Haradinaj është djali i Smajl Haradinajt, ish-i burgosur politik dhe djali i axhës së liderit të AAK-së, Ramush Haradinaj.
