Prishtinë –
Në Kosovë hyn sot në fuqi marrëveshja për hapjen e pikëkalimeve të reja kufitare, që do të shfrytëzohen për kalim tranzit në Serbi për në vende të tjera. Njoftimi u bë një ditë më parë dhe nga zv.kryeministrja Edita Tahiri.
Kjo vjen si rezultat i takimeve që ka zhvilluar në Bruksel, zëvendëskryeministrja në detyrë, ka njoftuar zyra e shtypit e Tahirit. Pikat e reja të kalimit do të jenë në Sid, mes Serbisë dhe Kroacisë, Kelebija, mes Serbisë dhe Hungarisë, Gradina, mes Serbisë dhe Bullgarisë, Presheva mes Serbisë dhe Maqedonisë si dhe aeroporti i Nishit.
