BLETA SHQIPTARE
Gjykata e Apelit e Kosovës ka shpallur sot aktgjykimin lidhur me rastin “Drenica 1”.
Lajmin e ka konfirmuar ekipi mbrojtës i Gjen. Sami Lushtakut, ish-komandant i zones Operative te Drenices dhe bashkeluftetar i Adem Jasharit.
Përmes një komunikate për media, ky ekip ka bërë të ditur se Gjykata e Apelit e ka shpallur të pafajshëm Sami Lushtakun për veprën penale “Vrasja e një personi civil të burgosur shqiptar”, me ç’rast i janë hequr 12 vjet burg, me të cilat u dënua fillimisht nga Gjykata Themelorë në Mitrovicë.
Por, Gjykata e Apelit, megjithatë, e ka dënuar Sami Lushtakun me 7 vjet burgim për veprën penale ‘Krime lufte kundër popullatës civile’, që ndërlidhet me Përgjegjësinë Komanduese”, nga e cila akuzë ishte liruar më parë nga Gjykata Themelore e Mitrovicës.
Ekipi mbrojtës i Lushtakut ka reaguar, duke thënë se “ekziston një bazë e fortë juridike për parashtrimin e mjetit juridik pranë Gjykatës Supreme”.
Gjykata e Apelit gjithashtu i ka shqiptuar masën e dënimit prej 5 vjet e 3 muaj burgim Sylejman Selimit. Duke pasur parasysh edhe rastin “Drenica II”, Selimit i është bashkuar dënimi dhe i është shqiptuar dënim unik në kohëzgjatje prej 10 viteve.
Dënimi për të dy rastet, “Drenica 1” dhe “Drenica 2”, i është bashkuar edhe Kol. Jahir Demakut, i cili është dënuar me burgim prej 7 vjetësh.
Kjo qe po ndodh me heronjte e luftes clirimtare eshte nje turp i madh per UCK dhe per ata qr sot, ne emer te saj jane ne krye te Kosoves si Hashim Thaci, Kadri Veseli, Xhavit Haliti, Agim Ceku, dhe gjithe veglat e tjera te sherbimeve te ndryshme anti-kombetare qe per mbijetesen e tyre kane shitur heronjte e vertete te kombit.
