Gjysmëfinalja e parë e Botërorit “Brazil 2014” mes skuadrës vendase dhe asaj gjermane ka përfunduar me një rezultat tenistik. Të zgjedhurit e Lëv e kanë nisur ndeshjen mjaft të sigurt dhe që në minutën e 11 kanë arritur të kalojnë në avantazh. Mbas këtij momenti skuadra braziliane ka humbur përqendrimin dhe deri në minutën e 25 ka pësuar pesë gola.
Golin e parë e shënoi Myler më pas Klose, Kros dy herë dhe Khedira. Me rezultatin pesë me zero është mbyllur pjesa e parë. Në pjesën e dytë u prit një reagim i brazilianëve por ishin të pafuqishëm. Gjermanët administronin rezultatin dhe shpërdoronin mundësi pa fund për shënim. Në minutën e 69 është i sapofuturi në lojë Schuerrle që shënon golin e gjashtë dhe dhjetë minuta më vonë ishte po prapë ai që e çon rezultatin në 7 me zero.
Gjermanët mund të shënonin ende por në fund ishin brazilianët të cilët bën golin e flamurit duke ikur nga ky kampionat me ndeshjen më të turpshme në historinë e tyre.
Brazil – Gjermani 1-7
Shënues: Oskar 90’ / Myler 11’, Klose 23’, Kros 24’, 26’, Khedira 29’, Shyrrle 69’, 79’
Brazili: Zhulio Sezar, Dante, Maikon, David Luiz, Marselo, Bernanrd, Fernandinjo (Paulinjo 46’), Oskar, Luiz Gustavo, Hulk (Ramirez 46’), Fred (Uillian 70’)
Trajner: Luiz Felipe Skolari
Gjermania: Nojer, Lahm, Humels (Mertesaker 46’), Boateng, Hovedez, Kros, Shvajnshtaiger, Khedira (Draksler 77’), Klose (Shyrrle 58’), Myler, Ozil
Trajner: Joakim Lëv
Gjyqtar: Marko Rodrigez (MEK)
Kartela të verdha: Dante /
Spektatorë: 58,141
