Partia Socialiste festoi sot 25-vjetorin e krijimit. Kryetari i saj dhe njëkohësisht kryeministër i vendit, Edi Rama, tha në fjalën përshëndetëse se “e ardhmja është e gjitha në dorën tonë”.
“Kam mësuar shumë në 10 vite në drejtimin e Partisë Socialiste. Në drejtimin e PS-së njoha më shumë Shqipërinë. Kam mësuar shumë për vendin, për vetën për pushtetin dhe në dyshimin. Kam pasur mundësinë e radhë të njoh më mirë cilësitë dhe kufizimet e mia, forcën dhe pushtetin., kompleksitetin e jashtëzakonshëm të rrugës së ndryshimit. Kam pasur fatin të njoh shumë njerëz dhe të mësoj shumë nga njerëzit. me siguri me ndryshimin e çdo partie mëson nga të gjitha këto. PS është një shkollë e ngritur mbi parimin se askush nuk mund të ketë të drejtë për çdo gjë dhe gjithmonë. këtu kam mësuar se pavarësisht s3 kush je, i vetëm mund të arrish shumë pak dhe jo gjithmonë ajo që mund të arrish është një mundësi e përbashkët”, tha Rama.
Kryetari i Partisë Socialiste theksoi ndër të tjera se gjatë këtij rrugëtimi ai mësoi se “kryeministër nuk të bën karrigia, por puna dhe përkushtimi”. “Këtu përjetohen më shumë se gjetke, shqetësimet nga më të ndryshmet, që sjellin përpjekjet reale për ndryshim. Rruga e ndryshimit shpesh i ndan, inatos, apo turbullon njerëzit. As nuk mund të ndalosh për t’i këshilluar, sepse gabon rrugë. Kam mësuar se kryeministër nuk të bën karrigia. Duhet të jetosh problemet e njerëzve në një tension të vazhdueshëm. PS-ja nuk rri asnjëherë rehat, dhe nuk lë asnjë rehat, është shtytja e duhur”, shtoi ai.
Sipas Ramës, në 2013-n njerëzit e kuptuan se ndryshimi vinte përmes Partisë Socialiste.“2015-a ishte vit edhe më i mirë, kur qytetarët kuptuan se përmes nesh ishte rruga më e mirë për të ecur drejt ndryshimit. Qytetarët e kuptojmë ende pse rrugën drejt ndryshimit e garanto forca jonë. Nevoja jetike për reformën në drejtësi, ua tregon më së miri se kush është kush në udhëkryqin ky ndodhemi, sot e për sot, dhe sot për nesër. Cila forcë politike ka qenë me konsekuente se PS për mbrojtjen e interesit kombëtar. Në ato që kanë mësuar në këto 10 vjet, e sidomos në këto 3 vite që kam qenë kryeministër, vlen të them se kam mësuar të vlerësoj rolin e partisë sonë në historinë e vendit në këto 25 vite. Deri në ditën e fundit në detyrë do të jap gjithçka kam”, vijoi kreu i qeverisë.
“Nuk i vë faj askujt që mendon se unë nuk kam bërë gjënë e duhur për të, apo vendin. Apo as atij që mendon se unë nuk i jap vendin e punës që kërkon. Por ama unë nuk harroj se për këtë punoj, kujt i shërbej, dhe se çfarë duhet të bëj për këtë vend. Këtu kam mësuar se politika në këtë vend nuk rrjedh aspak fjollë. Madje sa më lart ngjitesh, aq me vështirësi rrjedh. Nuk mund t’i kënaqësh të gjithë. Shumica e njerëzve janë të qartë dhe na mbështesin, për aq kohë sa ne jemi të vendosur dhe gabimet tona nuk janë të qëllimshme”, shtoi kreu i PS-së.
“Në gjërat që bëjmë unë jam i fokusuar me mish e shpirt tek shpresat e tyre. Deputetët tanë janë të fokusuar tek çështjet që kanë rëndësi për ta. Është momenti për të vlerësuar të gjithë deputetët që janë në lartësinë e këtij prioriteti themelor. Është momenti për të kërkuar ndjesë për ndonjë që vendos ta shkelë këtë prioritet”, tha Rama.
Mësohet se Partia Demokratike përfaqësohet në festë nga ish-kreu i PD-së dhe ish- deputeti Tritan Shehu.
Ky i fundit ka deklaruar se PS është një parti e rëndësishme në spektrin politik shqitar.
