Mediat e huaja kanë ngritur alarmin prej kohësh në lidhje me fuqizimin e mafias shqiptare në Ekuador.
Së fundmi një skandal është zbuluar në vendin latin, që flet për lidhje të këtyre organizatave kriminale me qeverinë e Ekuadorit.
I ftuar në emisionin “Zona Zero” në Top News, ish-kreu i Inteligjencës ushtarake në Ekuador, koloneli Mario Pazmino deklaroi se këto lidhje e kanë fuqizuar mafian shqiptare, e cila tashmë është e futur dhe në sistemin e drejtësisë. Sipas Pazmino, ka gjyqtarë dhe prokurorë që punojnë për kriminelë shqiptarë.
“Ka vite që janë arrestuar shqiptarë. Duke filluar nga vitit 2020. Administronin lëvizjen e drogës drejt Evropës. Fillon të ketë më shumë peshë kur fillon të lidhet me pjesën shtetërore. Kur hyn në kontakt me shtetin, kontrollon në mënyrë më të mirë pikat e hyrjes së drogës, portet dhe aeroportet. Shkon drejt kontrollit të testamenteve të një shteti. Hyn në strukturat e gjyqësorit. Kemi gjyqtarë dhe hetues që punojnë për krimin.
Rreth 4 mijë shqiptarë janë në Ekuador. Ka koloni të vogla që jetojnë në qytete të ndryshme. Nuk do të thotë që të gjithë janë të përfshirë në këto organizata.
Sigurisht ka pasur vrasje nga të gjitha grupet e mafias për interesat e tyre. Kur fillon pjesa e mafias italiane, Ndraghetta-s e cila bie, rritet mafia shqiptare që është e mbyllur. Ka një karakteristikë që gjenerohet në grupe familjare dhe kjo dmth që ka një besim më të fuqishëm. Kjo do të thotë se është më e fuqishme në përballje me grupet kundërshtare.
Fillon merr pushtet në vendet e Amerikës Latine. Në burgje ka shqiptarë që janë arrestuar nga operacionet kundër trafikut të drogës, por janë shumë pak që të krijojnë trazira. Shqiptarët lidhen me këto grupe duke forcuar lidhjet me grupet e Sinaloas, etj.
Ka disa rrugë që po shfrytëzohen jo vetëm nga mafia shqiptare por dhe nga struktura të tjera kriminale, në Kolumbi, Brazil, Peru etj”– deklaroi Mario Pazmino në “Zona Zero”.
