Sipas tij si rezultat i këtij ambienti investues, edhe efektit pozitiv që strategjia investuese e FKPK-së po vazhdon të japë, kthimi bruto nga investimet e FKPK-së për vitin 2016 deri më 14 nëntor është mbi 30 milionë euro.
“Po ashtu, për shkak edhe të performancës pozitive nga investimet dhe kontributeve të reja, mjetet nën menaxhim kanë njohur rritje të qëndrueshëm edhe për këtë vit. Deri më këtë datë mjetet nën menaxhim kanë arritur në 1.37 miliardë euro ose një rritje prej rreth 136 milionë euro në krahasim me fundvitin e 2015-s, e që e pritshme është që deri në fund të vitit kjo vlerë të jetë edhe më e lartë”, ka thënë ai për RTKlive.
Sipas tij gjatë fillim nëntorit kemi pasur luhatje të forta dhe performancë negative të tregjeve në ditët e fundit para zgjedhjeve në SHBA, në pritje të rezultatit final.
“Efekti negativ i ditës së rezultatit të papritur të zgjedhjeve është rikuperuar shumë më shpejt sesa pritej, dhe tregjet kanë vazhduar të lëvizin në terrenin pozitiv. Andaj, për momentin, efekti negativ i parazgjedhjeve në SHBA dhe rezultatit final nuk ka ndikim negativ në performancën e tregjeve dhe investimeve të FKPK-së, përkundrazi tregjet janë në pikë më të lartë sesa para zgjedhjeve. Sidoqoftë, rezultati aktual nuk mund të shërbejë si parashikim për të ardhmen, pasi efektet reale të zgjedhjeve në SHBA do të shihen vitin e ardhshëm, kur edhe pritet të fillojë implementimi i programit elektoral të fituesit”, ka thënë Havolli.
Sipas tij në përgjithësi, deri më tani, investitorët dhe profesionistët e tregjeve financiare kanë rezerva dhe pritshmëri jo pozitive në rast të implementimit të plotë të programit të deklaruar nga z. Trump gjatë zgjedhjeve në SHBA. Kjo për shkak se masat mbrojtëse dhe balancuese që SHBA do të mund të merrte do të mund të ndikonin negativisht tregtinë globale por edhe vet.
“Rrjedhimisht viti i ardhshëm potencialisht rezervon momente sfiduese për tregjet financiare dhe ekonominë globale. Kësaj i shtohet edhe çështja e inicimit të procesit të BREX-it, që gjithashtu shihet me rezerva dhe gjykohet si një proces që do t’i ndikojë negativisht procesit të zhvillimit ekonomik në B”, ka thënë ai.
Sipas tij Bordi Drejtues i FKPK-së vazhdon të jetë i kënaqur me rezultatet e investimeve të bëra në tregjet financiare globale, të bazuar në një strategji investuese që merr për bazë të gjitha kriteret ligjore, por edhe avancon tutje vjeljen e mundësive të reja investuese brenda e jashtë vendit, me qëllim të vetëm e final ruajtjen e vlerës së kontributeve nën menaxhim.
