“Sipas këtij projektligji, punëdhënësi, i cili nuk i përmbush detyrimet nga paragrafi 1 dhe 2 i nenit 12 të ligjit bazik, obligohet që për nxitjen e punësimit të personave me aftësi të kufizuara të paguajë në një xhirollogari të veçantë në vijën buxhetore të Buxhetit të Kosovës, pagesat mujore në lartësi të shumës së pagës minimale të realizuar në Republikën e Kosovës, për çdo person me aftësi të kufizuar që duhet të kishte punësuar”, tregon Musa Demiri nga MPMS.
Ai sqaron edhe për mënyrën dhe procedurat si duhet të zbatohet ky detyrim ligjor.
“Ndërsa mënyrat, procedurat dhe afatet e pagesës mujore për punëdhënësit të cilët nuk i përmbushin detyrimet nga paragrafi 1 dhe 2 i nenit 12, të ligjit bazik do të rregullohet me akt nënligjor të nxjerrët nga Ministria e Punës dhe Mirëqenies Sociale, e cilën dispozitë ka munguar në ligjin bazik”, sqaro Musa Demiri
Zyrtarë të Handikos thonë se shpresojmë shumë që kjo mënyrë të gjen zbatim në praktik pasi që nga përvoja e kaluar kur edhe me ligjin aktual çdo punëdhënës duhet të dënohet me një përqindje të pagës minimale. Asnjë punëdhënës nuk është dënuar dhe nuk kanë paguar asnjë centë.
Zyrtari në HANDIKOS, Rinor Gashi thotë se që deri tash nuk ka pas dënime pasi që as xhirollogaria bankare nuk ka ekzistuar
“Asnjë punëdhënës deri tash nuk është dënuar pasi që Ministria e Punës dhe Mirëqenies Sociale nuk e patë rregulluar mënyrën e pagesës dhe nuk ka pas asnjë xhirollogari ku mund të ishin derdhur mjetet”, tregon për lajmi.net Rinor Gashi.
