Pasi u vunë në qendër të vëmendjes duke kërkuar azil në vendet e Bashkimit Europian, shqiptarët po kthehen në protagonistë kryesorë për numrin e lartë klandestinëve që nisen drejt brigjet të Britanisë së Madhe.
Sipas shifrave të siguruara ekskluzivisht nga ABC News përmes Ministrisë holandeze për Siguri dhe Drejtësi, numri i klandestineve shqiptarë ka pësuar një rritje dramatike.
Konkretisht në 4 muajt e parë të vitit 2016, 220 shqiptarë janë ndaluar nga autoritetet holandeze dhe britanike gjatë perpjekjeve për të hyre illegalisht në Britani. Rritja është dramatike, pasi në vetëm 4 muaj është arritur pothuajse numri total i gjithë vitit 2015. Vitin e kaluar u arrestuan 230 klandestinë shqiptarë nga policia holandeze.
Revista britanike “Sunday Times” intervistoi një nga trafikantët e shqiptarëve, i cili pranoi se merrte 1000 euro për çdo person që dërgonte në Britani. Ai shfrytëzonte jahtin që kishte në pronësi për të trafikuar klandestinët shqiptarë. Kur mbërrinin pranë brigjeve angleze, ata i detyronte të vishnin jelekun e shpëtimit dhe të hidheshin në det për të dalë në breg me not . Trafikanti pohon se në ketë menyrë ka transportuar 14 shqiptarë, mes të cilëve gra dhe fëmijë./abcnews/
